ஏ.ஆர்.ரஹ்மானின் கஜா புயல் நிவாரண நிதி
- IndiaGlitz, [Wednesday,November 21 2018]
கஜா புயலினால் ஏற்பட்ட பாதிப்பில் இருந்து நிவாரணம் பெற திரையுலகினர் ஏராளமான நிதியுதவிகளை செய்து வருகின்றனர் என்பது தெரிந்ததே. அந்த வகையில் தற்போது ஆஸ்கார் நாயகன் ஏ.ஆர்.ரஹ்மானும் கஜா புயல் நிதியின் தனது பங்கை அறிவித்துள்ளார்.
கனடாவில் டிசம்பர் 24ம் தேதி ஏ.ஆர்.ரஹ்மான் ஒரு இசை நிகழ்ச்சி நடத்த ஏற்கனவே திட்டமிட்டிருந்தார். இந்த நிலையில் இந்த இசை நிகழ்ச்சி மூலம் கிடைக்கும் நிதியை, முழுமையாக கஜாபுயல் நிவாரணத்திற்கு வழங்கவுள்ளதாக அவர் அறிவித்துள்ளார்.
இந்த இசை நிகழ்ச்சி மூலம் பல லட்சங்கள் கிடைக்கும் என்றும், அந்த தொகை முழுவதும் கஜா புயலினால் பாதிக்கப்பட்டவர்களுக்கு பெரும் உதவியாக இருக்கும் என்றும் கருதப்படுகிறது.