இந்தியாவின் தேசிய விளையாட்டான ஹாக்கி போட்டியில் உலககோப்பையை இந்தியா வெல்ல வேண்டும் என்ற கனவு ஒவ்வொரு இந்தியனுக்கும் உள்ளது. இந்த ஆண்டு உலகக்கோப்பை ஹாக்கி போட்டி வரும் நவம்பர் 28ஆம் தேதி முதல் டிசம்பர் 16 வரை இந்தியாவில் நடைபெறவுள்ளது. இந்த போட்டியில் இந்தியா உள்பட 16 நாட்டின் அணிகள் கலந்து கொள்ளவுள்ளன

இந்த நிலையில் ஆஸ்கார் நாயகன் ஏ.ஆர்.ரஹ்மான், உலகக்கோப்பை ஹாக்கி போட்டியை முன்னிட்டு ஒரு பாடலை கம்போஸ் செய்யவுள்ளார். இந்தியாவுக்காக அவர் கம்போஸ் செய்யவுள்ள இந்த பாடல் 'ஜெய் ஹிந்த் ஹிந்த், ஜெய் இந்தியா' என்று தொடங்கும் வகையில் அமைக்கப்பட்டு வருகிறது. ஏ.ஆர்.ரஹ்மானின் இசைக்கு பழம்பெரும் பிரபல இந்தி கவிஞர் கல்ஜர் அவர்கள் பாடல் எழுதவுள்ளார். இவர் கடந்த 1957ஆம் ஆண்டு முதல் இப்போது வரை சுமார் 60 வருடங்களாக திரைப்படங்களுக்கு பாடல்கள் எழுதி வருகிறார் என்பது குறிப்பிடத்தக்கது

ஜெய்ஹோ, செம்மொழியான தமிழ் மொழியாம்' வரிசையில் ஏ.ஆர்.ரஹ்மானின் இந்த 'ஜெய் ஹிந்த் ஹிந்த் ஜெய் இந்தியா' என்ற பாடலும் மிகப்பெரிய ஹிட்டாகும் என எதிர்பார்க்கப்படுகிறது.