சிவகார்த்திகேயன் கூட்டணியில் இணைந்த மெர்சல்-சர்கார் கூட்டணி
- IndiaGlitz, [Friday,July 27 2018]
தளபதி விஜய் நடித்த 'மெர்சல்' படத்தில் இணைந்த ஏ.ஆர்.ரஹ்மான் மற்றும் பாடலாசிரியர் விவேக், விஜய் நடித்து வரும் அடுத்த படமான 'சர்கார்' படத்திலும் இணைந்துள்ளனர் என்பதையும் சர்கார்' படத்தின் அனைத்து பாடல்களையும் பாடலாசிரியர் விவேக் எழுதுகிறார் என்று வெளிவந்த செய்தியையும் ஏற்கனவே பார்த்தோம்
இந்த நிலையில் ஏ.ஆர்.ரஹ்மான், பாடலாசிரியர் விவேக் கூட்டணி தற்போது சிவகார்த்திகேயன் நடிக்கும் படத்திலும் இணைந்துள்ளது. சிவகார்த்திகேயனின் 14வது படத்தை 'இன்று நேற்று நாளை' இயக்குனர் ரவிகுமார் இயக்குகிறார் என்பது தெரிந்ததே. இந்த படத்திற்கு ஏ.ஆர்.ரஹ்மான் இசையமைக்கவுள்ள நிலையில் இந்த படத்தின் மூன்று பாடல்களை எழுத தனக்கு வாய்ப்பு கிடைத்துள்ளதாக பாடலாசிரியர் விவேக் தனது சமூக வலைத்தளத்தில் கூறியுள்ளார். மீண்டும் மீண்டும் ஆஸ்கார் நாயகனுடன் இணைந்து பணிபுரிவதில் தான் மிகுந்த மகிழ்ச்சி அடைவதாகவும் அவர் தெரிவித்துள்ளார்
சிவகார்த்திகேயன், ரகுல் ப்ரித்திசிங் முதன்முறையாக ஜோடி சேரும் இந்த படத்தில் கருணாகரன், யோகிபாபு, இஷாகோபிகர், பானுப்ரியா மற்றும் தொலைக்காட்சி பிரபலம் கோதண்டம் உள்பட பலரும் நடிக்கவுள்ளனர். 24ஏ.எம்.ஸ்டூடியோஸ் தயாரிக்கும் இந்த படத்தின் படப்பிடிப்பு சமீபத்தில் தொடங்கி நடைபெற்று வருகிறது.