ஏ.ஆர்.முருகதாஸ் இயக்கத்தில் தளபதி விஜய் நடிப்பில் கடந்த தீபாவளி அன்று வெளியான சர்கார்' திரைப்படம் திரையரங்குகளில் ஓடிக்கொண்டிருக்கின்றது. இந்த படம் பல்வேறு பிரச்சனைகளை சந்தித்தபோதிலும், '49P' என்ற விழிப்புணர்வை ஏற்படுத்திய படம் என்ற பெருமையையும் பெற்றுள்ளது.

இந்த நிலையில் இயக்குனர் ஏ.ஆர்.முருகதாஸ், விஷாலின் அடுத்த படமான 'அயோக்யா' என்ற படத்தின் ஃபர்ஸ்ட்லுக்கை இன்று இரவு 7 மணிக்கு தனது சமூக வலைத்தள பக்கத்தில் வெளியிடவுள்ளார். ஏற்கனவே இந்த படத்தின் பூஜையில் ஏ.ஆர்.முருகதாஸ் கலந்து கொண்டிருந்தார் என்பது குறிப்பிடத்தக்கது.

விஷால்,ராஷி கண்ணா, ரா.பார்த்திபன், கே.எஸ்.ரவிக்குமார், சச்சு, வம்சி உள்ளிட்ட பலர் நடித்து வரும் 'அயோக்யா' படத்தை வெங்கட்மோகன் இயக்கி வருகிறார். விக்ரம் வேதா புகழ் சாம் சி.எஸ் இசையமைக்கும் இந்த படத்திற்கு கார்த்திக் ஒளிப்பதிவும், ரூபன் படத்தொகுப்பும், ராம்-லட்சுமண் ஸ்டண்ட் இயக்கமும் செய்து வருகின்றனர்.