இளையதளபதி விஜய் நடித்த 'கத்தி' மற்றும் சூப்பர் ஸ்டார் ரஜினிகாந்த் நடித்து வரும் '2.0' ஆகிய பிரமாண்டமான படங்களை தயாரித்த 'லைகா புரடொக்ஷன்ஸ்' நிறுவனம் அடுத்து ஜி.வி.பிரகாஷ் ஹீரோவாக நடிக்கும் படம் ஒன்றை தயாரித்து வருவதாக வந்த செய்தியினை ஏற்கனவே பார்த்தோம்.

இந்நிலையில் இந்த படத்தின் டைட்டிலுடன் கூடிய ஃபர்ஸ்ட்லுக் போஸ்டர் ஜனவரி 20ஆம் தேதி அதாவது நாளை வெளியாகவுள்ளதாக செய்திகள் வெளிவந்துள்ளது. ஜி.வி.பிரகாஷ் படம் என்றாலே டைட்டில் வித்தியாசமாக இருக்கும் என்பது அனைவரும் தெரிந்ததே. அந்த வகையில் இந்த படத்தின் டைட்டிலும் மிகவும் வித்தியாசமாக இருக்கும் என கூறப்படுகிறது.

'டார்லிங்' படத்தை இயக்கிய இயக்குனர் சாம் ஆண்டன் இயக்கிவரும் இந்த படத்தின் டைட்டில் மற்றும் ஃபர்ஸ்ட்லுக் போஸ்டரை இயக்குனர் ஏ.ஆர்.முருகதாஸ் சமூக வலைத்தளத்தில் வெளியிடுவார் என எதிர்பார்க்கப்படுகிறது. இந்த படத்தின் படப்பிடிப்பு 40% முடிந்துவிட்டதாகவும், இந்த படத்தில் ஜி.வி.பிரகாஷ் ஆட்டோ டிரைவர் வேடத்தில் நடித்து வருவதாகவும் கூறப்படுகிறது.