'தளபதி 62' படப்பிடிப்பில் பட்டைய கிளப்பிய முருகதாஸ்
- IndiaGlitz, [Thursday,June 07 2018]
தளபதி விஜய் நடித்து வரும் 'தளபதி 62' படத்தின் படப்பிடிப்பு சென்னையில் உள்ள ஒரு ஸ்டுடியோவில் பிரமாண்டமாக அமைக்கப்பட்டுள்ள செட்டில் நடைபெற்று வருவது தெரிந்ததே. அரசியல் கூட்டம் நடப்பது போன்று அமைக்கப்பட்டுள்ள செட்டில் ராதாரவி மற்றும் பழ.கருப்பையா ஆகியோர்களின் பிரமாண்டமான கட் அவுட்டுக்கள் அமைக்கப்பட்டுள்ளது.
இந்த செட்டில் அரசியல் சம்பந்தப்பட்ட காட்சிகளின் படப்பிடிப்பு நடந்து வருகிறது. இந்த நிலையில் படப்பிடிப்பின் இடையே இயக்குனர் ஏ.ஆர்.முருகதாஸ் டிரம்ஸ் வாசித்துள்ளார். இதுகுறித்த வீடியோ ஒன்றை முருகதாஸ் தன்னுடைய சமூக வலைத்தளத்தில் பதிவு செய்துள்ளார். இந்த வீடியோவில் டிரம்ஸ் கலைஞர்களுடன் முருகதாஸ் ஒரு தேர்ந்த டிரம்ஸ் வாசிப்பாளர் போல் டிரம்ஸ் வாசிப்பில் பட்டைய கிளப்பியிருப்பது அனைவரையும் ஆச்சரியத்தில் ஆழ்த்தியுள்ளது.
வரும் தீபாவளி தினத்தில் வெளியாகும் என்று எதிர்பார்க்கப்படும் 'தளபதி 62' படத்தில் விஜய், கீர்த்திசுரேஷ், வரலட்சுமி, யோகிபாபு, ராதாரவி, பழ.கருப்பையா உள்பட பலர் நடித்து வருகின்ற்னர். ஆஸ்கார் நாயகன் ஏ.ஆர்.ரஹ்மான் இசையில் உருவாகி வரும் இந்த படத்தை சன்பிக்சர்ஸ் நிறுவனம் பிரமாண்டமாக தயாரித்து வருகிறது.
Fun time https://t.co/jfr9x97wx0 via @YouTube
— A.R.Murugadoss (@ARMurugadoss) June 6, 2018