'பாகுபலி'யை விஞ்சியதா ஏ.ஆர்.முருகதாஸ்-மகேஷ்பாபு படத்தின் வியாபாரம்?
- IndiaGlitz, [Friday,December 02 2016]
பிரபல இயக்குனர் ஏ.ஆர்.முருகதாஸ் இயக்கத்தில் தெலுங்கு சூப்பர் ஸ்டார் மகேஷ்பாபு நடித்து வரும் படத்தின் படப்பிடிப்பு தற்போது அகமதாபாத் நகரில் நடைபெற்று வருகிறது என்பதை ஏற்கனவே பார்த்தோம்
இந்நிலையில் இந்த படத்தின் படப்பிடிப்பு இறுதிக்கட்டத்தை நெருங்கியுள்ள நிலையில் தற்போது இந்த படத்தின் சாட்டிலைட் உரிமை விற்பனையாகிவிட்டதாக தகவல்கள் வெளிவந்துள்ளது. ரூ.26 கோடிக்கு தனியார் சாட்டிலைட் தொலைக்காட்சி நிறுவனம் ஒன்று சாட்டிலைட் உரிமையை பெற்றுள்ளதாக கூறப்படுகிறது. இந்த செய்தி உறுதி செய்யப்பட்டால் 'பாகுபலி' படத்தின் சாட்டிலைட் உரிமை தொகையை விட அதிகம் என்பது குறிப்பிடத்தக்கது.
மகேஷ்பாபு, ராகுல்ப்ரித்திசிங், எஸ்.ஜே.சூர்யா உள்பட பலர் நடித்து வரும் இந்த படம் சுமார் ரூ.100 கோடி பட்ஜெட்டில் தயாராகி வருகிறது என்பது குறிப்பிடத்தக்கது.