ஜி.வி.பிரகாஷ் நடித்து வரும் படங்களில் ஒன்று 100% காதல்'. இந்த படம் தெலுங்கில் சூப்பர் ஹிட்டான 100% லவ்' என்ற படத்தின் ரீமேக் என்பதும் இந்த படத்தில் ஜி.வி.பிரகாஷூக்கு ஜோடியாக லாவன்யா திரிபாதி நடிக்கவுள்ளதாகவும் வெளிவந்த செய்தி அனைவரும் அறிந்ததே.

இந்த நிலையில் இந்த படத்தின் நாயகி திடீரென மாற்றப்படுவதாகவும், லாவன்யா திரிபாதிக்கு பதிலாக ஷாலினி பாண்டே நடிக்கவுள்ளதாகவும் கூறப்படுகிறது. இவர் சமீபத்தில் வெளியான சூப்பர் ஹிட் தெலுங்கு படமான 'அர்ஜூன் ரெட்டி' படத்தின் நாயகி என்பது குறிப்பிடத்தக்கது. இந்த தகவல் உண்மையெனில் ஷாலினி பாண்டேவின் முதல் தமிழ்ப்படம் இதுதான் என்பது குறிப்பிடத்தக்கது.

எம்.எம்.சந்திரமெளலி இயக்கத்தில் உருவாகி வரும் இந்த படத்திற்கு ஜி.வி.பிரகாஷ் இசையமைக்கவுள்ளார். தோட்டாதரணி கலை இயக்குனராகவும், பட்லி ஒளிப்பதிவு இயக்குனராகவும் இந்த படத்தில் பணிபுரிந்து வருகின்றனர்.