విజయ్‌తో అర్జున్
- IndiaGlitz, [Friday,May 18 2018]
యాక్షన్ సినిమాలతో, తన నటనతో ఎంతో మంది అభిమానుల్ని సంపాదించుకున్న హీరో అర్జున్ ఇప్పుడు సినిమాల్లో ప్రధానమైన క్యారెక్టర్స్ చేస్తున్నారు. వరుస విజయాలు అందుకుంటున్నారు. తమిళ, తెలుగు భాషల్లో నటిస్తున్న అర్జున్ ఇటీవల రిలీజ్ అయిన ‘నాపేరు సూర్య’లో బన్నీకి తండ్రిగా నటించాడు. అంతేగాక తాజాగా తమిళంలో విడుదలైన విశాల్ సినిమా ‘ఇరుంబు తేరై’లో ముఖ్యమైన పాత్రలో నటించారు.
ఈ సినిమా తెలుగులో ‘అభిమన్యుడు’ పేరుతో ఈ నెలాఖరులో విడుదల కానుంది. తాజాగా అర్జున్ మరో చిత్రంలో నటించేందుకు ఓకే చెప్పారు. విజయ్ ఆంటోనీ హీరోగా నూతన దర్శకుడు ఆండ్రు రూపొందించే ’కోలైక్కార‌న్’లో ఓ కీలక పాత్ర పోషించారు. విజయ్ ఆంటోని సినిమాలన్నీ తెలుగులో విడుదలవుతాయి కాబట్టి ఈ సినిమాని కూడా తెలుగులో విడుదల చేసేందుకు సన్నాహాలు చేస్తున్నారు.