త‌మిళ 'అర్జున్ రెడ్డి' రిలీజ్ డేట్‌
- IndiaGlitz, [Thursday,August 08 2019]
తెలుగు సెన్సేష‌న‌ల్ హిట్ అయిన విజ‌య్ దేవ‌ర‌కొండ 'అర్జున్ రెడ్డి' చిత్రాన్ని త‌మిళంలో 'ఆదిత్య వ‌ర్మ' పేరుతో.. విక్ర‌మ్ త‌న‌యుడు ధ్రువ్ హీరోగా రీమేక్ చేస్తున్న సంగ‌తి తెలిసిందే. ద‌ర్శకుడు బాల ప్రాజెక్ట్ నుండి త‌ప్పుకున్నాక హీరో మిన‌హా అంద‌రినీ మార్చేసి నిర్మాత‌లు మ‌ళ్లీ రీ షూట్ చేశారు. ప్ర‌స్తుతం సినిమా పోస్ట్ ప్రొడ‌క్ష‌న్ కార్య‌క్ర‌మాల‌ను జ‌రుపుకుంటోంది. 'అర్జున్ రెడ్డి' చిత్రానికి ద‌ర్శ‌క‌త్వ శాఖ‌లో ప‌నిచేసిన గిరీశ‌య్య ఈ చిత్రానికి ద‌ర్శ‌కత్వం వ‌హిస్తున్నారు. ధ్రువ్ స‌ర‌స‌న హీరోయిన్‌గా బాలీవుడ్ భామ బ‌నితా సంధు న‌టించింది. లేటెస్ట్ స‌మాచారం ప్రకారం ఈ చిత్రాన్ని సెప్టెంబ‌ర్ 27న విడుద‌ల చేయ‌డానికి స‌న్నాహాలు చేస్తున్నార‌ట. ర‌ద‌న్ ఈ సినిమాకు సంగీతాన్ని అందిస్తున్నారు.