வேற லெவலில் வொர்க்-அவுட் செய்யும் 'அர்ஜுன்ரெட்டி' ஹீரோயின்: வைரல் வீடியோ..!
- IndiaGlitz, [Monday,April 01 2024]
விஜய் தேவரகொண்டா நடித்த ’அர்ஜுன் ரெட்டி’ என்ற திரைப்படத்தில் நாயகியாக அறிமுகமான நடிகை ஷாலினி பாண்டே தனது இன்ஸ்டாகிராம் பக்கத்தில் வேற லெவலில் வொர்க்-அவுட் செய்யும் வீடியோவை வெளியிட்டுள்ள நிலையில் அந்த வீடியோவுக்கு ஆயிரக்கணக்கான லைக் குவிந்து வருகிறது.
விஜய் தேவரகொண்டா நடிப்பில் உருவான ’அர்ஜுன் ரெட்டி’ என்ற படத்தின் மூலம் நடிகையாக அறிமுகமானவர் ஷாலினி பாண்டே. இந்த படம் மிகப்பெரிய வெற்றி பெற்று விஜய் தேவரகொண்டா, ஷாலினி பாண்டே ஆகிய இருவருக்கும் மிகப்பெரிய சினிமா மார்க்கெட்டை கொடுத்தது.
’அர்ஜுன் ரெட்டி’ படத்தின் வெற்றியை அடுத்து ஷாலினி பாண்டே சில தெலுங்கு படங்களிலும் இந்தி படங்களிலும் நடித்த நிலையில் தமிழிலும் அவர் ’100% காதல்’ ’சைலன்ஸ்’ உள்ளிட்ட படங்களில் நடித்தார். தற்போது அவர் ’மகாராஜா’ என்ற ஹிந்தி படத்தில் நடித்து வருகிறார் என்பதும் விரைவில் இந்த படம் ரிலீஸ் ஆக உள்ளது என்பது குறிப்பிடத்தக்கது.
இந்நிலையில் இன்ஸ்டாகிராமில் ஆக்டிவாக இருக்கும் ஷாலினி பாண்டேவுக்கு கிட்டத்தட்ட இரண்டு மில்லியன் ஃபாலோயர்கள் இருக்கும் நிலையில் அதில் கிளாமர் புகைப்படங்கள் மற்றும் வீடியோக்களை பதிவு செய்து வருகிறார். இதையடுத்து சற்றுமுன் தனது இன்ஸ்டாகிராம் பக்கத்தில் வேற லெவலில் ஒர்க்அவுட் செய்யும் வீடியோவை வெளியிட்டுள்ள நிலையில் அந்த வீடியோவுக்கு ஏராளமான லைக்ஸ், கமெண்ட்ஸ் குவிந்து வருகிறது.