சூப்பர் ஹிட் இயக்குனரின் படத்தில் அறிமுகமாகும் அர்ஜூன் ரெட்டி நாயகன்
- IndiaGlitz, [Saturday,December 23 2017]
சமீபத்தில் தெலுங்கில் சூப்பர் ஹிட் ஆன 'அர்ஜூன் ரெட்டி' படத்தின் நாயகி ஷாலினி பாண்டே, ஜி.வி.பிரகாஷின் '100% காதல்' என்ற படத்தின் நாயகியாக நடித்து வருகிறார் என்பதை ஏற்கனவே பார்த்தோம். இந்த நிலையில் இந்த படத்தின் நாயகன் விஜய தேவரகொண்டாவும் தற்போது தமிழுக்கு அறிமுகமாகிறார்.
ஆம், ஸ்டுடியோக்ரீன் தயாரிக்கும் அடுத்த படத்தில் அர்ஜூன் ரெட்டி நாயகன் விஜய் தேவரகொண்டா நடிக்க ஒப்பந்தமாகியுள்ளார். இந்த படத்தை 'அரிமா நம்பி', 'இருமுகன்' ஆகிய படங்களை இயக்கிய ஆனந்த்ஷங்கர் இயக்கவுள்ளார்.
இந்த படத்தின் படப்பிடிப்பு விரைவில் தொடங்கவுள்ளதாகவும், இந்த படத்தில் நடிக்கும் மற்ற நட்சத்திரங்கள் மற்றும் தொழில்நுட்ப கலைஞர்களின் தேர்வு நடைபெற்று வருவதாகவும் கூறப்படுகிறது.