'అర్జున్ రెడ్డి' దర్శకుడి రెండో చిత్రం అప్ డేట్స్...
- IndiaGlitz, [Wednesday,January 03 2018]
అర్జున్ రెడ్డి' సినిమా ఎంత సంచలనమో.. సందీప్ రెడ్డి వంగ పేరు కూడా అంతే సంచలనం. ఒకే ఒక్క సినిమాతో రాత్రికి రాత్రే స్టార్ డైరెక్టర్ గా ఎదిగిపోయారు సందీప్. ఈ మూవీ తర్వాత సదరు డైరెక్టరుతో సినిమాలను చేయించుకోవడానికి ప్ర‌ముఖ నిర్మాతలు సైతం తపిస్తున్నారంటే...ఈ డైరెక్టర్ పనితనం గురించి వేరేగా చెప్పనక్కర్లేదు. అటు నిర్మాతలే కాదు ఇటు ప్రేక్షకులు కూడా సందీప్ తదుపరి చిత్రం కోసం ఎదురుచూస్తున్నారు. ఈసారి ఎటువంటి కథతో సంచలనం సృష్టిస్తాడోనని ఇండస్ట్రీ కూడా ఆసక్తిగా ఎదురుచూస్తోంది.
అయితే సందీప్ ఇప్పటికే ఒక క్రైమ్ స్టోరీని సిద్ధం చేస్తున్నారని.. ఈ ఏడాది సెకండ్ హాఫ్ లో షూటింగ్ ప్రారంభిస్తారని తాజాగా కథనాలు వినిపిస్తున్నాయి. 2019లో ఈ చిత్రాన్ని విడుదల చేయడానికి సందీప్ నిశ్చయించారని సమాచారం. అన్న‌ట్టు.. అర్జున్ రెడ్డి హిందీ వెర్ష‌న్ కూడా సందీప్ ద‌ర్శ‌క‌త్వంలోనే రూపొంద‌నుంది. ఇందులో షాహిద్ క‌పూర్ హీరోగా న‌టించ‌నున్నాడు. ఈ రీమేక్ త‌ర్వాతే సందీప్ రెడ్డి తదుపరి చిత్రం ఉంటుంది మ‌రి.