20 ஆண்டுகள் வாழ்ந்த மனைவியை பிரிந்தார் பிரபல நடிகர்
- IndiaGlitz, [Monday,May 28 2018]
பிரபல பாலிவுட் நடிகர் அர்ஜூன் ராம்பல், தனது மனைவியை 20 ஆண்டுகள் கழித்து பிரிய முடிவு செய்துள்ளார்.
கடந்த 1998ஆம் ஆண்டு நடிகர் அர்ஜுன் ராம்பலுக்கும், மெஹர் ஜெசியாவுக்கும் திருமணம் நடந்தது. இந்த தம்பதிக்கு இரண்டு குழந்தைகள் உள்ளனர்.
இந்த நிலையில் அர்ஜூனுக்கும் ஹிருத்திக் ரோசனின் முன்னாள் மனைவி சூசனுக்கு இடையே நட்பு இருப்பதாக கூறப்பட்டது. இதனால் அர்ஜூனுக்கு அவரது மனைவிக்கும் இடையே கருத்துவேறுபாடு ஏற்பட்டு அதன் பின்னர் இருவரும் அடிக்கடி சண்டை போட்டதாகவும், கடந்த சில மாதங்களாக இருவரும் பிரிந்து வாழ்வதாகவும் கூறப்பட்டது.
இந்த நிலையில் இருவரும் பிரிவதாக அதிகாரபூர்வமாக அறிவித்துள்ளனர். இருப்பினும் குழந்தைகளின் நலன் குறித்த விஷயங்களில் இருவரும் இணைந்தே முடிவெடுக்க உள்ளதாக அவர்கள் கூறியுள்ளனர்.