விஷால், சமந்தா நடிப்பில் பி.எஸ்.மித்ரன் இயக்கியுள்ள 'இரும்புத்திரை' திரைப்படம் வரும் ஜனவரியில் வெளியாகவுள்ள நிலையில் இந்த படத்தில் விஷால் மேஜர் கதிரவன் கேரக்டரிலும், சைக்காலஜி டாக்டர் ரதிதேவி கேரக்டரில் சமந்தாவும் நடித்துள்ளனர் என்ற செய்தியை நேற்று பார்த்தோம்

இந்த நிலையில் இந்த படத்தின் வில்லனாக நடித்துள்ள ஆக்சன் கிங் அர்ஜூன், 'ஒயிட் டெவில்' என்ற கேரக்டரில் நடித்துள்ளதாக இன்று அறிவிக்கப்பட்டுள்ளது. இதுகுறித்த புதிய போஸ்டர் ஒன்றும் இணையதளத்தில் வெளியாகியுள்ளது.

இந்த நிலையில் இன்று இரவு 8 மணிக்கு சென்னையில் உள்ள ஒரு ஓட்டலில் இந்த படத்தின் டிரைலர் ரிலீஸ் விழா நடைபெறவுள்ளது. இன்று வெளியாகும் டிரைலர் படத்தின் எதிர்பார்ப்பை அதிகரிக்கும் என்று கருதப்படுகிறது.

விஷால், அர்ஜூன், சமந்தா, மார்ஷியல் நிபுணர் ஜெர்மி ரோஸ்கி, டெல்லி கணேஷ், ரோபோ சங்கர் உள்ளிட்ட பலர் நடித்துள்ள இந்த படத்திற்கு யுவன்சங்கர் ராஜா இசையமைத்துள்ளார் என்பது குறிப்பிடத்தக்கது.