முடிவுக்கு வந்தது அர்ஜூனின் அடுத்த படம்
- IndiaGlitz, [Friday,December 28 2018]
ஆக்சன் கிங் அர்ஜூன் வில்லனாக நடித்த 'இரும்புத்திரை' திரைப்படம் 2018ஆம் ஆண்டின் மிகப்பெரிய வெற்றிப்படங்களில் ஒன்று. இதனையடுத்து அவர் தற்போது விஜய் ஆண்டனியுடன் 'கொலைகாரன்' என்ற படத்தில் முக்கிய வேடம் ஒன்றில் நடித்து வந்தார்.
இந்த படத்தின் படப்பிடிப்பு கடந்த சில மாதங்களாக நடைபெற்று வந்த நிலையில் இன்றுடன் அர்ஜூன் சம்பந்தப்பட்ட காட்சிகளின் படப்பிடிப்பு முடிவடைந்தது. இதனையடுத்து இன்று நடைபெற்ற அர்ஜூனின் வழியனுப்பு விழா பார்ட்டியில் கேக் வெட்டி கொண்டாடப்பட்டது. விஜய் ஆண்டனி அர்ஜூனுக்கும், அர்ஜூன் விஜய் ஆண்டனிக்கும் கேக் ஊட்டி தங்கள் மகிழ்ச்சியினை வெளிப்படுத்தினர்
விஜய் ஆண்டனி, அர்ஜூன் முக்கிய வேடத்தில் நடித்து வரும் 'கொலைகாரன்' படத்தை ஆண்ட்ரூ லூயிஸ் இயக்கி வருகிறார். இந்த படத்தை தியா மூவீஸ் நிறுவனம் தயாரித்து வருகிறது. இந்த படத்தின் மொத்த படப்பிடிப்பு இன்னும் சில வாரங்களில் முடிந்துவிடும் என படக்குழுவினர் தெரிவித்துள்ளனர்.