குற்றப்பரம்பரை கதையை படிக்கும் பிரபல இயக்குனர்: பாலா பாரதிராஜாவுக்கு போட்டியா?
- IndiaGlitz, [Thursday,April 16 2020]
எழுத்தாளரும் நடிகருமான வேல ராமமூர்த்தி எழுதிய ’குற்றப்பரம்பரை’ என்ற படத்தை இயக்குனர் இமயம் பாரதிராஜா திரைப்படமாக இயக்க இருப்பதாக கடந்த சில ஆண்டுகளுக்கு முன்னர் அறிவிக்கப்பட்டது. ஆனால் அதே நேரத்தில் தேசிய விருது பெற்ற இயக்குனர் பாலாவும் குற்றப்பரம்பரை கதையை இயக்க இருப்பதாக கூறியதால் இருவருக்கும் சில மோதல்கள் ஏற்பட்டதாகவும் கூறப்பட்டது
இந்த நிலையில் தற்போதைய தகவலின்படி இயக்குநர் பாரதிராஜா, குற்றப்பரம்பரை படத்தை தொலைக்காட்சி சீரியலாக எடுக்கவிருப்பதாகவும் இது குறித்த பணிகள் நடைபெற்று வருவதாகவும் கூறப்படுகிறது. இந்த நிலையில் ’ஈரம்’ உள்பட ஒருசில வெற்றிப் படங்களை இயக்கிய இயக்குனர் அறிவழகன் தற்போது ’குற்றப்பரம்பரை’ நாவலை படித்துக் கொண்டிருப்பதாகவும் இந்த ஊரடங்கு உத்தரவு நேரத்தில் படிப்பதற்கு சரியான நாவல் இதுதான் என்றும், பல படங்கள் இயக்கிய அனுபவத்தை விட ஒரு நல்ல நாவல் படிப்பதால் கிடைக்கும் அனுபவம் மிகச்சிறந்தது என்றும் தனது சமூக வலைத்தளத்தில் கூறியுள்ளார்
குற்றப்பரம்பரை கதையை படித்து முடித்தவுடன் அவர் இந்த கதையை படமாக்க முயற்சிப்பாரா? என்பதை பொறுத்திருந்துதான் பார்க்கவேண்டும். தற்போது அருண் விஜய் நடிக்கும் 31 வது படத்தை இயக்குனர் அறிவழகன் இயக்க உள்ளார் என்பதும் இதற்கான ஆரம்பகட்ட பணிகள் நடந்து வருகின்றன என்பதும் குறிப்பிடத்தக்கது
What I’m now, coz I hope Books shaped up me more than Movies. In the lock down period too, despite Script Writing and Watching Movies , Books doing its major part :) #StayHomeStaySafe pic.twitter.com/4ECUnDETcl
— Arivazhagan (@dirarivazhagan) April 16, 2020