தளபதி விஜய் நடித்த பிகில் திரைப்படத்தின் டீசர் எப்போது என அவரது ரசிகர்கள் தொடர்ந்து கேள்வி எழுப்பிக் கொண்டிருக்கும் நிலையில் அக்டோபர் முதல் வாரத்தில் கண்டிப்பாக பிகில் படத்தின் டீஸர் வெளியாகும் என இந்த படத்தின் நிர்வாக தயாரிப்பாளர் அர்ச்சனா கல்பாதி அவர்கள் தெரிவித்திருந்தார்.

ஆனால் அக்டோபர் முதல் வாரம் கிட்டத்தட்ட முடிந்துவிட்ட நிலையில் பிகில் டீசர் குறித்த அறிவிப்பு இன்னும் வெளியாகாததால் விஜய் ரசிகர்கள் அதிருப்தி அடைந்தனர். இந்த நிலையில் ஊடகம் ஒன்றுக்கு பேட்டி அளித்த அர்ச்சனா கல்பாதி அவர்கள் ’இந்த வாரம் பிகில் டீசர் வெளியேற வாய்ப்பு இல்லை என்றும், அடுத்த வாரம் கண்டிப்பாக டீசரை வெளியிட முயற்சிப்போம் என்றும் அவர் கூறியுள்ளார். மேலும் பிகின் டீசர் வெளியாகும் தேதி குறித்த அறிவிப்பு வரும் திங்கள் அன்று அறிவிக்கப்படும் என்றும் அவர் நம்பிக்கை தெரிவித்தார்.

‘பிகில்’ படம் வெளியாக இன்னும் 20 நாட்கள் மட்டுமே உள்ள நிலையில் இன்னும் டீசரே வெளியாகவில்லை என்பதே தளபதி ரசிகர்களின் அதிருப்திக்கு காரணமாக உள்ளது. இருப்பினும் டீசரையும் படத்தையும் பார்த்த பின்னர் தயாரிப்பு தரப்பின் மீதான ரசிகர்களின் கோபம் தணிந்துவிடும் என்றே எதிர்பார்க்கப்படுகிறது.