தளபதி விஜய் நடித்து முடித்துள்ள பிகில் திரைப்படம் வரும் தீபாவளி அன்று உலகம் முழுவதும் பிரமாண்டமாக வெளியாகவுள்ளது. இந்த படத்தின் டிரைலர் நாளை வெளியாக இருக்கும் நிலையில் இந்த டிரைலருக்கு மிகப்பெரிய எதிர்பார்ப்பு ஏற்பட்டுள்ளது. இந்த ட்ரெய்லர் விஜய் ரசிகர்களால் யூடியூபில் ஒரு புதிய சாதனை படைத்தாலும் ஆச்சரியப்படுவதற்கில்லை.

இந்த நிலையில் சற்று முன் பிகில் திரைப்படத்தின் நிர்வாக தயாரிப்பாளர் அர்ச்சனா கல்பாதி அவர்கள் பிகில் டிரைலர் குறித்து தனது டுவிட்டர் பக்கத்தில் ஒரு டுவீட்டை பதிவு செய்துள்ளார். அதில் பிகில் டிரைலர் நாளை வெளியாக உள்ள நிலையில் அந்த ட்ரெய்லரின் ரன்னிங் டைம் எவ்வளவாக இருக்கும்? என்பதை யூகித்து சொல்லுங்கள் என்று குறிப்பிட்டுள்ளார்.

அதில் பிகில் படத்தின் டிரைலர் 2 நிமிடங்களுக்கு குறைவாகவும், இரண்டு முதல் இரண்டேகால் நிமிடம் வரையிலும் இரண்டேகால் முதல் இரண்டரை நிமிடம் வரையிலும், இரண்டரை நிமிடத்துக்கும் அதிகமாக இருக்கும் என்றும் அவர் நான்கு ஆப்ஷன்களை கொடுத்துள்ளார்.

பெரும்பாலான தளபதி ரசிகர்கள் இரண்டு முதல் இரண்டரை நிமிடங்கள் ‘பிகில்’ டிரைலர் இருக்குமென்று கூறியுள்ளனர். ரசிகர்களின் யூகம் சரியானதா? என்பதை நாளை வரை பொறுத்திருந்து பார்ப்போம்.

Can’t wait for you guys to see the #BigilTrailer tomorrow. Any guesses on trailer length ? #Bigil ???? Happy morning

— Archana Kalpathi (@archanakalpathi) October 11, 2019