'தளபதி 63' அப்டேட்: தங்கையின் கோரிக்கையை நிறைவேற்றுவாரா அக்கா?
- IndiaGlitz, [Tuesday,June 04 2019]
தளபதி விஜய் நடிப்பில் அட்லி இயக்கத்தில் உருவாகி வரும் 'தளபதி 63' படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தின் டைட்டிலுடன் கூடிய ஃபர்ஸ்ட்லுக் போஸ்டர் வரும் 22ஆம் தேதி விஜய்யின் பிறந்த நாளின்போது வெளியாகும் என எதிர்பார்க்கப்படுகிறது.
இருப்பினும் சமூக வலைத்தளத்தில் சுறுசுறுப்பாக இருக்கும் இந்த படத்தின் தயாரிப்பாளர் அர்ச்சனா கல்பாதி, ஃபர்ஸ்ட்லுக் குறித்த ஏதாவது அப்டேட் வெளியிட மாட்டரா? என விஜய் ரசிகர்கள் காத்திருக்கின்றனர்.
இந்த நிலையில் சற்றுமுன் அர்ச்சனா கல்பாதியின் தங்கை ஐஸ்வர்யா கல்பாதி, 'அக்கா எனக்கு அப்டேட் வேண்டும்' என வாய்விட்டே கேட்டு விட்டார். உடன்பிறந்த தங்கைக்காகவாவது 'தளபதி 63' குறித்த அப்டேட்டை அக்கா அர்ச்சனா வெளியிடுவாரா? என்பதை பொறுத்திருந்து பார்ப்போம்.
விஜய், நயன்தாரா, ஜாக்கி ஷெராஃப், யோகிபாபு, கதிர், விவேக், டேனியல் பாலாஜி, ஆனந்த்ராஜ், இந்துஜா உள்ளிட்ட பலர் நடித்து வரும் இந்த படத்திற்கு இசைப்புயல் ஏ.ஆர்.ரஹ்மான் இசையமைத்து வருகிறார். விஷ்ணு ஒளிப்பதிவில் ரூபன் படத்தொகுப்பில் உருவாகி வரும் இந்த படத்தை பெரும் பொருட்செலவில் ஏஜிஎஸ் நிறுவனம் தயாரித்து வருகிறது. இந்த படம் வரும் தீபாவளி அன்று திரைக்கு வெளிவரவுள்ளது.
Akka I want update @archanakalpathi ????♀️
— Aishwarya Kalpathi (@aishkalpathi) June 4, 2019