தளபதி விஜய் நடித்து வரும் ’கோட்’ படத்தின் அடுத்த கட்ட படப்பிடிப்பு ரஷ்யாவில் நடைபெற இருப்பதாக கூறப்பட்ட நிலையில் சமீபத்தில் விஜய் உட்பட குழுவினர் ரஷ்யா சென்றனர் என்பதையும் பார்த்தோம்.

இந்நிலையில் தற்போது இந்த படத்தின் தயாரிப்பாளர் அர்ச்சனா கல்பாத்தி தனது சமூக வலைத்தளத்தில் ’கோட்’ படத்தின் படப்பிடிப்பு நடைபெற உள்ள லொகேஷன் குறித்த புகைப்படத்தை தனது சமூக வலைத்தளத்தில் பகிர்ந்து உள்ள நிலையில் அந்த புகைப்படம் தற்போது இணையத்தில் வைரல் ஆகி வருகிறது.

தளபதி விஜய் நடிப்பில், வெங்கட் பிரபு இயக்கத்தில், யுவன் சங்கர் ராஜா இசையில் உருவாகி வரும் ’கோட்’ படத்தின் படப்பிடிப்பு கடந்த சில மாதங்களாக நடைபெற்று வந்தது என்பதை பார்த்து வருகிறோம். குறிப்பாக சமீபத்தில் இந்த படத்தின் படப்பிடிப்பு திருவனந்தபுரம் கிரிக்கெட் மைதானத்தில் நடைபெற்றது என்பதும் இந்த படப்பிடிப்பு குறித்த புகைப்படங்கள் வீடியோக்கள் இணையத்தில் வெளியாகி வைரல் ஆகியது என்பதையும் பார்த்தோம்.

இந்த நிலையில் ’கோட்’ படத்தின் அடுத்த கட்ட படப்பிடிப்பு ரஷ்யாவில் நடைபெறவுள்ள நிலையில் படப்பிடிப்பு குறித்த தகவல்களை அர்ச்சனா கல்பாத்தி தனது சமூக வலைத்தளத்தில் பகிர்ந்துள்ளார். ரஷ்யாவின் அட்டகாசமான லொகேஷனில் இந்த படத்தின் படப்பிடிப்பு நடைபெற உள்ளது என்பது இந்த புகைப்படங்களில் இருந்து தெரியவந்துள்ளது.

மேலும் ரஷ்ய படப்பிடிப்புடன் இந்த படத்தின் படப்பிடிப்பு முழுமையாக முடிந்து விடும் என்றும் அதன் பிறகு முழு முயற்சியில் இந்த படத்தின் தொழில்நுட்ப பணிகள் ஆரம்பமாகும் என்றும் எதிர்பார்க்கப்படுகிறது. மேலும் இந்த படத்தின் சிங்கிள் பாடல் அடுத்த சில வாரங்களில் வெளியாகும் என்றும் அதை அடுத்து டீசர், டிரைலர் ஆகிய புரமோஷன் பணிகள் தொடங்கப்படும் என்று கூறப்படுகிறது.