'கோட்' படத்தின் முதல் நாள் வசூல் எத்தனை கோடி? அர்ச்சனா கல்பாத்தி அறிவிப்பு..!
- IndiaGlitz, [Friday,September 06 2024]
தளபதி விஜய் நடித்த ‘கோட்’ திரைப்படம் நேற்று உலகம் முழுவதும் சுமார் 5000 திரையரங்குகளில் வெளியான நிலையில் இந்த படத்தின் முதல் நாள் வசூல் குறித்த தகவல்கள் இணையதளங்களில் கூறப்பட்டு வந்தன.
இந்த நிலையில் இந்த படத்தின் தயாரிப்பாளர் அர்ச்சனா கல்பாத்தி தனது சமூக வலைத்தளத்தில் அதிகாரப்பூர்வமாக ’கோட்’ முதல் நாள் வசூலை தெரிவித்துள்ளார். இந்த தகவல் தற்போது இணையத்தில் வைரல் ஆகி வருகிறது.
தளபதி விஜய் நடிப்பில், வெங்கட் பிரபு இயக்கத்தில், யுவன் சங்கர் ராஜா இசையில் உருவான ’கோட்’ திரைப்படம் நேற்று வெளியாகி ஏகப்பட்ட பாசிட்டிவ் விமர்சனங்களை பெற்று வருகிறது. இந்த படம் முதல் நாள் சாதனை வசூல் செய்யும் என்று எதிர்பார்க்கப்பட்ட நிலையில் 100 கோடிக்கும் அதிகமாக வசூல் செய்ததாக சமூக வலைதளங்களில் சில செய்திகள் வெளியானது.
இந்த நிலையில் சற்றுமுன் ’கோட்’ படத்தின் தயாரிப்பாளர் அர்ச்சனா கல்பாத்தி தனது சமூக வலைத்தளத்தில் ’கோட்’ திரைப்படம் நேற்று ஒரே நாளில் உலகம் முழுவதும் 126.32 கோடி வசூல் செய்துள்ளதாக அறிவித்துள்ளார். இந்த தகவலை விஜய் ரசிகர்கள் மகிழ்ச்சியுடன் பகிர்ந்து வருகின்றனர்.
G.O.A.T at the Box office 🔥🔥 @Ags_production pic.twitter.com/s6luZxQO6C
— Archana Kalpathi (@archanakalpathi) September 6, 2024