பிக் பாஸ் நிகழ்ச்சியில் நேற்று விக்ரம் சரவணன் எலிமினேஷன் ஆனபோது மாயா நடந்துகொண்ட விதம் பார்வையாளர்களுக்கு பெரும் அதிருப்தியை ஏற்படுத்தியது. பிக்பாஸ் கூட மாயாவை அழைத்து இனிமேல் அப்படி செய்யக்கூடாது என்று கூற அதற்கு மாயா வருத்தம் தெரிவித்தார்.

இந்த நிலையில் இது குறித்து இன்றைய அடுத்த புரோமோவில் அர்ச்சனா மற்றும் மாயா இடையே வாக்குவாதம் நடைபெறுகிறது. ’நேற்று விக்ரம் வெளியே போகும்போது நீங்கள் ஏன் அவ்வாறு இருந்தீர்கள்? இத்தனை வாரம் அவன் மேல் வைத்திருந்த பாசத்தை நேற்று ஏன் காட்டவில்லை என்று அர்ச்சனா கேள்வி எழுப்பினார்.

அதற்கு பதில் அளித்த மாயா, ‘எனக்கு அவனை 10 வாரம் தெரியும், நீங்கள் ஒவ்வொரு முறை அடிக்கும் போதும், நான் அவனை தூக்கிவிட்டு இருக்கேன். அதற்காக நான் மனிதாபிமானமாக இல்லை, ஹேட்ரெட் ஆக இருக்கிறேன் என்று நீங்கள் சொல்வது எல்லாம் எனக்கு சுத்தமாக பிடிக்கவில்லை. நீங்கள் எதிர்பார்ப்பது போல் எல்லாம் நான் நடந்து கொள்ள முடியாது’ என்று காட்டமாக பதில் அளித்தார். இதனை அடுத்து அர்ச்சனா மற்றும் மாயாவுக்கு மீண்டும் சண்டை வரும் போல் தெரிகிறது.