அரவிந்த்சாமி-த்ரிஷாவின் "சதுரங்கவேட்டை-2" படத்தின் கூடுதல் தகவல்கள்
Friday, September 23, 2016 • தமிழ்
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com
Send us your feedback to audioarticles@vaarta.com
'சதுரங்க வேட்டை 2' படத்தில் அரவிந்தசாமி, த்ரிஷா முதல்முறையாக ஜோடி சேர்ந்து நடிக்கவுள்ள தகவலை ஏற்கனவே நேற்று பார்த்தோம். இந்நிலையில் இந்த படம் குறித்த மேலும் சில விபரங்கள் தற்போது வெளிவந்துள்ளது.
அதிகளவு பணம் சம்பாதிக்க வேண்டும் என்று பேராசையுடன் இருப்பவர்களை ஹைடெக்காக ஏமாற்றும் கதைதான் நட்டி நட்ராஜ் நடித்த 'சதுரங்க வேட்டை' திரைப்படம். முதல் பாகத்தின் கதை தென்மாவட்டங்களை சுற்றி வந்த நிலையில், தினம் தினம் மெருகேறியவரும் தொழில்நுட்பங்களை பயன்படுத்தி நகரவாழ் மக்களை தங்களது சிலந்தி வலையில் சிக்கவைத்து எவ்வாறு ஏமாற்றுகிறார்கள் என்பதனை மிக தெளிவாகவும் விவரமாகவும் கூறும் படமாக "சதுரங்கவேட்டை 2" படம் உருவாகவுள்ளது.
சதுரங்க வேட்டை' முதல் பாகத்தை தயாரித்த மனோபாலாவின் மனோபாலா பிக்சர் ஹவுஸ் பிரம்மாண்டமாக தயாரிக்கும் இந்த படத்தை 'சலீம்' படத்தை இயக்கிய N.V.நிர்மல்குமார் இயக்குகிறார். மேலும் முதல் பாகத்தை இயக்கிய H.வினோத் 'சதுரங்கவேட்டை 2' படத்தின் கதை திரைக்கதை வசனம் எழுதுகிறார் என்பது குறிப்பிடத்தக்கது.
நாசர், ராதாரவி, ஸ்ரீமன், பொன்வண்ணன் உள்பட பலர் நடிக்கும் இந்த படத்திற்கு வெங்கடேஷ் ஒளிப்பதிவு செய்ய அஷ்வின் விநாயகமூர்த்தி இசையமைக்கின்றார். இந்த படத்தின் படப்பிடிப்பு விரைவில் தொடங்கவுள்ளது.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Follow
More News
Headlines
Comments