ఫ్యాన్సీ రేటుకు 'అర‌వింద స‌మేత' శాటిలైట్ హ‌క్కులు..
- IndiaGlitz, [Tuesday,August 07 2018]
యంగ్ టైగ‌ర్ ఎన్టీఆర్, త్రివిక్ర‌మ్ కాంబినేష‌న్‌లో రూపొందుతోన్న చిత్రం 'అర‌వింద స‌మేత'. ఈ సినిమా చిత్రీక‌ర‌ణ ద‌శ‌లో ఉంది. స్టార్ హీరో, డైరెక్ట‌ర్ కాంబినేష‌న్ కావ‌డంతో సినిమాపై ట్రేడ్ వ‌ర్గాల్లో మంచి అంచ‌నాలు నెల‌కొన్నాయి. మంచి ప్రీ రిలీజ్ బిజినెస్ జ‌రుగుతుంద‌ని అంటున్నారు.
కాగా తాజా స‌మాచారం ప్ర‌కారం ఈ సినిమా శాటిలైట్ హ‌క్కులు ఫ్యాన్సీ రేటుకు అమ్ముడైపోయాయి. జీ తెలుగు ఛానెల్ సినిమా శాటిలైట్ హ‌క్కుల‌ను 23.5 కోట్ల రూపాయ‌ల‌కు ద‌క్కించుకుంద‌ని స‌మాచారం.
ఎన్టీఆర్ కెరీర్‌లోనే హ‌య్య‌స్ట్ శాటిలైట్ హ‌క్కుల మొత్తాన్ని ద‌క్కించ‌కున్న చిత్ర‌మిదే. పూజా హెగ్డే హీరోయిన్‌గా న‌టిస్తున్న ఈ చిత్రాన్ని ఎస్‌.రాధాకృష్ణ నిర్మిస్తున్నారు. అక్టోబ‌ర్‌లో సినిమాను విడుద‌ల చేయ‌డానికి స‌న్నాహాలు చేస్తున్నారు.