பிரபல இயக்குனர் மணிரத்னம் இயக்கி வரும் 'செக்க சிவந்த வானம்' திரைப்படத்தின் படப்பிடிப்பு சமீபத்தில் முடிந்து தற்போது போஸ்ட் புரடொக்சன்ஸ் பணிகள் இரவுபகலாக நடந்து வருகிறது. இந்த படம் வரும் செப்டம்பரில் வெளியாகும் என்று எதிர்பார்க்கப்படுகிறது.

இந்த நிலையில் இந்த படத்தின் முக்கிய கேரக்டர்களில் நடித்துள்ள நான்கு முன்னணி நடிகர்களான அரவிந்தசாமி, சிம்பு, விஜய்சேதுபதி மற்றும் அருண்விஜய் ஆகியோர்களின் கேரக்டர்கள் குறித்த 4 லுக் போஸ்டர்கள் இன்று வெளியாகவுள்ளதாக ஏற்கனவே அறிவிக்கப்பட்டிருந்தது.

அந்த வகையில் சற்றுமுன் அரவிந்தசாமியின் கேரக்டர் 'வரதன்' என்ற அறிவிப்புடன் ஒரு புதிய போஸ்டரை படக்குழுவினர் வெளியிட்டுள்ளனர். இந்த போஸ்டர் வெளியான ஒருசில நிமிடங்களில் சமூக வலைத்தளங்களில் டிரெண்ட் ஆகியுள்ளது.

அரவிந்தசாமி, சிம்பு, விஜய்சேதுபதி, அருண்விஜய், ஜோதிகா, ஐஸ்வர்யா ராஜேஷ், அதிதிராவ் ஹைத்ரி, பிரகாஷ்ராஜ், ஜெயசுதா, மன்சூர் அலிகான் உள்பட பலர் நடித்துள்ள இந்த படத்திற்கு ஆஸ்கார் நாயகன் ஏ.ஆர்.ரஹ்மான் இசையமைத்துள்ளார். இந்த படத்திற்கு சந்தோஷ் சிவன் ஒளிப்பதிவு செய்துள்ளார்.