ழென் ஸ்டுடியோஸ் சார்பில் தயாரிப்பாளர் புகழ் வழங்கும், 'தேஜாவு’ பட புகழ் இயக்குநர் அரவிந்த் ஶ்ரீநிவாசன் இயக்கத்தில், கிஷன் தாஸ் & ஸ்மிருதி வெங்கட் நடிக்கும் 'தருணம்' திரைப்படத்தின் பூஜையுடன் கூடிய படப்பிடிப்பு தொடங்கும் விழா சமீபத்தில் தொடங்கியது என்பதை பார்த்தோம்.

இந்த நிலையில் இந்த படத்தின் கிளிம்ப்ஸ் வீடியோ வெளியாகி இணையத்தில் வைரல் ஆகி வருகிறது. இந்த படத்தின் நாயகன் அருண் சீனிவாசன் மற்றும் நாயகி ஸ்மிருதி வெங்கட் இருவரும் கவிதைத்தனமான காதல் செய்யும் காட்சியும் இறுதியில் லிப்கிஸ் கொடுக்கும் அழகிய காட்சியும் இந்த கிளிம்ப்ஸ் வீடியோவில் உள்ளன. ஒரு நிமிடம் மட்டுமே உள்ள இந்த வீடியோ ஒரு அழகிய காதல் கவிதை சொல்லப்போகிறது என்பது தெரிய வருகிறது.

‘தேஜாவு’ என்ற தரமான நல்ல திரைப்படத்தை கொடுத்த இயக்குனர் அரவிந்த் சீனிவாசனிடம் இருந்து ஒரு அழகிய காதல் படத்தை எதிர்பார்க்கலாம் என்பது இந்த கிளிம்ப்ஸ் வீடியோவில் இருந்து தெரிய வருகிறது.

இந்த படத்தின் படப்பிடிப்பு விறுவிறுப்பாக நடைபெற்று வருவதாகவும் விரைவில் இந்த படத்தின் ரிலீஸ் செய்து குறித்த அறிவிப்பு வெளியாகும் என்றும் கூறப்படுகிறது . இந்த படத்தை ஆர்கா என்டர்டெயின்மென்ட் நிறுவனம் தயாரித்து வருகிறது.