ஒரே வாரத்தில் 'அரண்மனை 4' வசூல் செய்த தொகை இவ்வளவா? 100 கோடியை நெருங்கியதா?
- IndiaGlitz, [Saturday,May 11 2024]
சுந்தர் சி இயக்கத்தில் உருவான ‘அரண்மனை 4’ திரைப்படம் கடந்த வாரம் வெள்ளிக்கிழமை வெளியாகி ஒரு வாரம் முடிந்துவிட்ட நிலையில் தற்போது மிகப்பெரிய வசூல் செய்திருப்பதாகவும் இந்த படம் 100 கோடியை நெருங்கி விட்டதாகவும் கூறப்படுகிறது.
சுந்தர் சி, தமன்னா, ராஷி கண்ணா உள்பட பலர் நடிப்பில், சுந்தர் சி இயக்கத்தில், ஹிப் ஹாப் தமிழா ஆதி இசையில் உருவான திரைப்படம் ‘அரண்மனை 4’. இந்த படம் கடந்த வெள்ளி அன்று வெளியாகி ஓபனிங் வசூல் அபாரமாக இருந்தது என்பதும் அதனை அடுத்து ஐந்தே நாளில் இந்த படம் 50 கோடி ரூபாய் வசூல் செய்ததாகவும் கூறப்பட்டது.
இந்த ஆண்டு வெளியான மாஸ் நடிகர்களின் படங்கள் எல்லாம் எதிர்பார்த்த வசூலை குவிக்காத நிலையில் தமன்னா, ராஷி கண்ணா ஆகிய இரண்டு நடிகைகளை முன்னிறுத்தி சுந்தர் சி இயக்கி நடித்த ‘அரண்மனை 4’ திரைப்படம் மிகப்பெரிய வெற்றி பெற்றது தமிழ் திரை உலகினர்களுக்கு ஆச்சரியத்தை ஏற்படுத்தியது.
இந்த நிலையில் தற்போது ‘அரண்மனை 4’ ரிலீஸ் ஆகி ஒரு வாரம் முழுமையாக முடிந்துள்ள நிலையில் இந்த படம் 8 நாட்களில் 70 கோடி ரூபாய் வசூல் செய்துள்ளதாகவும் நேற்று ’ஸ்டார்’ ’உயிர் தமிழுக்கு’, ‘ரசவாதி’ ஆகிய படங்கள் வெளியான போதிலும் ‘அரண்மனை 4’ படத்தின் வசூலில் எந்தவித பாதிப்பும் இல்லை என்றும் கூறப்படுகிறது.
இந்த நிலையில் இன்னும் ஒரு சில நாட்களில் இந்த படம் 100 கோடி வசூலை தொட்டாலும் ஆச்சரியப்படுவதற்கு இல்லை என்று கூறப்படுகிறது.