அறம் வெற்றியை தொடர்ந்து 'அறம் 2' உருவாகிறதா?
- IndiaGlitz, [Monday,November 13 2017]
லேடி சூப்பர் ஸ்டார் நயன்தாரா நடிப்பில் கடந்த வெள்ளியன்று வெளியான 'அறம்' திரைப்படம் நல்ல வசூலை பெற்று வெற்றிப்படமாகிய நிலையில் நயன்தாராவே நேரில் தியேட்டருக்கு சென்று ரசிகர்களை சந்தித்ததால் பிரமாண்டமான வசூலை பெற்றுள்ளது. வார இறுதிநாட்களில் சென்னையில் மட்டுமே ரூ.1 கோடிக்கும் மேல் வசூலாகியுள்ள இந்த படம் தமிழகம் முழுவதும் திருப்தியான வசூலை பெற்றுள்ளது.
இந்த நிலையில் 'அறம்' வெற்றியை அடுத்து 'அறம் 2' படத்தை தயாரிக்கும் திட்டம் உள்ளதாக இந்த படத்தின் தயாரிப்பாளர் K.ராஜேஷ் தெரிவித்துள்ளார். மேலும் 'அறம் 2' திரைப்படம் முதல் பாகத்தை விட வலிமையான ஒரு சமூக செய்தியை தெரிவிக்கும் வகையில் இருக்கும் என்றும் அவர் கூறியுள்ளார்.
ஆனால் அதே நேரத்தில் 'அறம்' 2' குறித்த ஐடியா தனக்கு இப்போது வரை இல்லை என்று இயக்குனர் கோபிநயினார் தெரிவித்துள்ளார். இதனால் 'அறம் 2' திரைப்படம் வேறு இயக்குனர் இயக்கத்தில் வெளிவருமா? என்பது குறித்து பொறுத்திருந்து தான் பார்க்க வேண்டும்.