ஜெயலலிதாவின் மறைவு, கருணாநிதியின் உடல்நலம் ஆகிய இரண்டும் தமிழகத்தில் ஒரு அரசியல் வெற்றிடத்தை ஏற்படுத்தியுள்ளது என்பது தெரிந்ததே. இந்த வெற்றிடத்தை நிரப்ப கோலிவுட்டில் இருந்து ரஜினி, கமல் ஆகிய இருவரும் களமிறங்கிவிட்டார்கள். இதோடு நிற்காமல் இன்னும் பலர் அரசியல் கனவிலும் முதல்வர் நாற்காலி கனவிலும் உள்ளனர் என்பது குறிப்பிடத்தக்கது.

இந்த நிலையில் அஜித்தையும் அரசியலுக்கு இழுக்கும் முயற்சி கிட்டத்தட்ட முடிவாகிவிட்டது. ஆனால் அஜித் களமிறங்கவுள்ளது நிஜ அரசியல் இல்லை, சினிமா அரசியல் என்பது குறிப்பிடத்தக்கது.

'விசுவாசம்' படத்திற்கு பின்னர் அஜித், பிரபுதேவா இயக்கத்தில் ஒரு படம் நடிக்கவிருப்பதாக செய்திகள் வெளிவந்தது அல்லவா! இந்த படம் கிட்டத்தட்ட முடிவாகிவிட்டதாம். அறம் தயாரிப்பாளர் தயாரிப்பில் உருவாகும் இந்த படம் பரபரப்பான அரசியல் படம் என்றும் இந்த படத்திற்கு 'அறம்' இயக்குனர் கோபி நயினார் வசனம் எழுதவுள்ளதாகவும் கூறப்படுகிறது. 'அறம்' திரைப்படத்தில் கோபியின் வசனத்தில் தீப்பொறி பறந்தது என்பது தெரிந்தது, இந்த நிலையில் அஜித்தின் அரசியல் படத்தில் அவர் எழுதப்போகும் வசனம் என்னென்ன விளைவுகளை ஏற்படுத்தும் என்பதை பொறுத்திருந்து பார்ப்போம்