அடுத்தடுத்து வெற்றிப்பட இயக்குனர்களின் படங்களில் ஆர்யா
- IndiaGlitz, [Monday,July 09 2018]
கடந்த சில ஆண்டுகளாக ஆர்யா நடித்த திரைப்படங்கள் எதிர்பார்த்த வெற்றியை பெறவில்லை என்றாலும் சமீபகாலமாக அவர் வெற்றிப்பட இயக்குனர்களின் படங்களில் கமிட் ஆகி வருகிறார்.
'ஹர ஹர மகாதேவகி' மற்றும் 'இருட்டு அறையில் முரட்டுக்குத்து' ஆகிய இரண்டு வெற்றிப்படங்களை இயக்கிய சந்தோஷ் ஜெயகுமார் இயக்கத்தில் ஆர்யா நடித்திருக்கும் 'கஜினிகாந்த்' திரைப்படம் மிக விரைவில் வெளியாகவுள்ளது.
இந்த நிலையில் சமீபத்தில் இன்னொரு வெற்றிப்பட இயக்குனரான கே.வி.ஆனந்த் இயக்கத்தில் உருவாகவுள்ள 'சூர்யாவின் 37வது படத்தில் முக்கிய கேரக்டரில் நடிக்க ஆர்யா ஒப்பந்தமாகியுள்ளார். இந்த இரு படங்களும் ஆர்யாவின் மார்க்கெட்டை மீண்டும் தூக்கி நிறுத்தும் என்று எதிர்பார்க்கப்படுகிறது.
இந்த நிலையில் தற்போது வெளிவந்துள்ள புதிய தகவலின்படி 'அறம்' இயக்குனர் கோபிநயினார் இயக்கவுள்ள அடுத்த படத்திலும் ஆர்யா தான் ஹீரோ என்பது தெரியவந்துள்ளது. வடசென்னையில் வாழும் குத்துச்சண்டை வீரர் ஒருவரின் கதையம்சம் கொண்ட இந்த படமும் ஆர்யாவுக்கு முக்கியமான படங்களில் ஒன்றாக இருக்கும் என்று எதிர்பார்க்கப்படுகிறது.
மேலும் இவை தவிர இயக்குனர் சுந்தர் சி இயக்கவுள்ள 'சங்கமித்ரா' படத்திலும் ஆர்யா நடிக்கவுள்ளார் என்பது தெரிந்ததே.