அறம்: ஒரு கோடி ரூபாய் ஓப்பனிங் வசூலை பெற்ற முதல் படம்
- IndiaGlitz, [Monday,November 13 2017]
லேடி சூப்பர் ஸ்டார் நயன்தாரா, கலெக்டராக நடித்த 'அறம்' திரைப்படம் கடந்த வெள்ளி அன்று வெளியாகி எதிர்பார்த்தைவிட மிகப்பெரிய ஓப்பனிங் வசூலை பெற்றுள்ளது. ஊடகங்கள், இணையதள விமர்சகர்கள் மற்றும் ரசிகர்களின் பாசிட்டிவ் விமர்சனங்கள் மற்றும் திரையுலக பிரபலங்கள், அரசியல் தலைவர்களின் பாராட்டுக்கள் காரணமாக இந்த படத்தின் சென்னை ஓப்பனிங் வசூல் ரூ.1 கோடியை தாண்டியுள்ளது.
கடந்த வாரயிறுதி நாட்களில் சென்னையில் இந்த படம் 18 திரையரங்குகளில் 191 காட்சிகள் திரையிடப்பட்டு ரூ.1,02,81,259 வசூல் செய்துள்ளது. அடாத மழையிலும் திரையரங்குகளில் 87% பார்வையாளர்கள் இருந்தனர் என்பது குறிப்பிடத்தக்கது. மேலும் நயன்தாராவின் தியேட்டர்கள் விசிட் மேலும் ரசிகர்களுக்கு ஊக்கமளித்ததால் இந்த படத்திற்கு பார்வையாளர்கள் குவிந்தனர்
இதுவரை மாஸ் நடிகர்களின் படங்கள் மட்டுமே சென்னையில் ரூ.1 கோடிக்கும் மேல் ஓப்பனிங் வசூல் பெற்று வந்த நிலையில் முதல்முறையாக நாயகிக்கு முக்கியத்துவம் உள்ள படம் ஒன்று ரூ.1 கோடிக்கும் வசூல் செய்துள்ள படம் என்ற பெருமை 'அறம்' படத்திற்கு கிடைத்துள்ளது. இந்த வசூலின் மூலம் தான் ஒரு லேடி சூப்பர் ஸ்டார் என்பதை நயன்தாரா, உறுதி செய்துள்ளார்.