மகன் அமீனுடன் நடிக்கும் ஏ.ஆர்.ரஹ்மான்.. விறுவிறுப்பான படப்பிடிப்பு..!
- IndiaGlitz, [Tuesday,February 21 2023]
ஆஸ்கார் நாயகன் ஏஆர் ரஹ்மான் தனது மகன் அமீன் உடன் நடிக்கும் படப்பிடிப்பு சென்னையில் நடைபெற்று வருவதாகவும் விறுவிறுப்பாக நடைபெறும் படப்பிடிப்பு குறித்த புகைப்படங்கள் இணையதளங்களில் வைரல் ஆகி வருகிறது என்பதும் குறிப்பிடத்தக்கது.
இசைப்புயல் ஏஆர் ரஹ்மானின் இசையில் சிம்பு நடிப்பில் உருவாகி இருக்கும் திரைப்படம் ’பத்து தல’. இந்த படம் வரும் மார்ச் மாதம் 30ஆம் தேதி வெளியாக இருக்கும் நிலையில் இந்த படத்தின் புரமோஷன் பணிகளை படக்குழுவினர் விறுவிறுப்பாக கவனித்து வருகின்றனர்.
இந்த நிலையில் இந்த படத்தில் இடம்பெறும் ஒரு பாடலின் புரமோஷன் படப்பிடிப்பு நடைபெற்று வருவதாகவும் இதில் ஏஆர் ரஹ்மான் தனது மகனுடன் இணைந்து நடித்து வருவதாகவும் தெரிகிறது. சென்னையில் உள்ள முக்கிய ஸ்டூடியோவில் இந்த புரமோஷன் பாடலின் படப்பிடிப்பு நடைபெற்று வருகிறது என்பது குறிப்பிடத்தக்கது.
ஏற்கனவே ’பிகில்’ படத்தில் இடம்பெற்ற ‘சிங்கப்பெண்ணே’ உள்பட ஒரு சில பாடல்களில் ஏஆர் ரகுமான் தோன்றி நடித்திருந்தாலும் இந்த படத்தில் வித்தியாசமாக தனது மகனுடன் நடித்து வருகிறார் என்பது மிகப்பெரிய எதிர்பார்ப்பை ஏற்படுத்தி உள்ளது.
சிம்பு, கௌதம் கார்த்திக், ப்ரியா பவானி சங்கர் உள்பட பலரது நடிப்பில் உருவாகிய இந்த படத்தை சூர்யா ஜோதிகா நடித்த ’சில்லுனு ஒரு காதல்’ என்ற படத்தை இயக்கிய கிருஷ்ணா இயக்கி உள்ளார்.