திரையுலகில் பிஸியாக இருக்கும் ஆஸ்கார் நாயகன் ஏஆர் ரஹ்மான் அவர்கள் அவ்வப்போது தனி பாடல்களையும் கம்போஸ் செய்து வெளியிடுவார் என்பதும் அந்த பாடல்கள் திரையிசை பாடல்களை விட சூப்பர்ஹிட்டாகி வருகிறது என்பதும் தெரிந்ததே

இந்த நிலையில் சமீபத்தில் சென்னையில் நடைபெற்ற ஒரு நிகழ்ச்சியில் கலந்துகொண்ட ஏ ஆர் ரகுமான் மீண்டும் ஒரு தனிப்பாடல் ஒன்றை கம்போஸ் செய்துள்ளதாகவும், அந்த பாடலை விரைவில் வெளியிட இருப்பதாக அறிவித்துள்ளார்

உலக மக்களின் இன்றைய கட்டாய தேவையான தண்ணீர் தேவை குறித்து விழிப்புணர்வு ஏற்படுத்துவதற்காக ஒரு பாடலை இயற்றி உள்ளதாகவும் அடுத்த தலைமுறைக்கு விழிப்புணர்வு ஏற்படுத்தும் வகையில் அமைந்துள்ள அந்த பாடல் விரைவில் வெளியாகும் என்றும் தண்ணீர் விழிப்புணர்வு குறித்து உலக அளவிலான இந்த பாடலுக்கு நல்ல வரவேற்பு கிடைக்கும் என்று தான் எதிர்பார்ப்பதாகவும் கூறியுள்ளார்

ஏ.ஆர்.ரஹ்மானின் இந்த பாடலை அவரது ரசிகர்கள் மட்டுமின்றி அனைத்து தரப்பு மக்களும் மிகுந்த ஆர்வத்துடன் எதிர்பார்த்து காத்திருக்கின்றனர் என்பது குறிப்பிடத்தக்கது