நாளை ஐபிஎல் இறுதிப் போட்டி நடைபெறும் மைதானத்தில் தனது நிகழ்ச்சி நடைபெறும் என்று ஒரு ஆச்சரிய அறிவிப்பை இசைப்புயல் ஏஆர் ரஹ்மான் தெரிவித்துள்ளார்

ஐபிஎல் போட்டிகள் கடந்த சில மாதங்களாக நடைபெற்று வந்த நிலையில் நாளை இறுதி போட்டி நடைபெற உள்ளது. குஜராத் மற்றும் ராஜஸ்தான் அணிகள் இறுதிப்போட்டிக்கு தகுதி பெற்றுள்ள நிலையில் நாளைய போட்டியின் முடிவில் சாம்பியன் பட்டம் பெறுவது எந்த அணி என்பது தெரியவரும்.

இந்த நிலையில் உலகிலேயே மிக பெரிய கிரிக்கெட் மைதானமான அகமதாபாத்தில் உள்ள நரேந்திரமோடி கிரிக்கெட் மைதானத்தில் நாளை இறுதி போட்டி நடைபெற உள்ள நிலையில் இந்த ஆண்டின் ஐபிஎல் நிறைவு விழா, போட்டிக்கு முன்னதாக நடைபெற உள்ளது. இதில் இசைப்புயல் ஏஆர் ரஹ்மான் உள்பட பல பிரபலங்கள் கலந்து கொள்ள உள்ளனர்.

இது குறித்து தனது சமூக வலைத்தளத்தில் வீடியோ ஒன்றை வெளியிட்டுள்ள ஏ.ஆர்.ரஹ்மான் கடந்த பல ஆண்டுகளாக இந்திய கிரிக்கெட் பயணத்தின் பெருமையை போற்றும் வகையில் நாளை இறுதிப்போட்டி நடைபெறும் அகமதாபாத்தில் உள்ள நரேந்திரமோடி மைதானத்தில் இசை நிகழ்ச்சி நடைபெற உள்ளது என்றும், நாளை மாலை 6.25 மணிக்கு ஸ்டார் ஸ்போர்ட்ஸ் மற்றும் டிஸ்னி ஹாட்ஸ்டாரில் என்னை நீங்கள் நேரலையில் பார்க்கலாம் என்று கூறியுள்ளார்.
 

View this post on Instagram

A post shared by ARR (@arrahman)