ஆஸ்கார் நாயகன் ஏ.ஆர்.ரஹ்மான் இசையில் ராஜீவ் மேனன் இயக்கத்தில் உருவாகியுள்ள 'சர்வம் தாளமயம்' திரைப்படம் வரும் 28ஆம் தேதி வெளியாகும் என அறிவிக்கப்பட்டிருந்த நிலையில் தற்போது ரிலீஸ் தேதி வரும் பிப்ரவரி மாதத்திற்கு ஒத்தி வைக்கப்பட்டுள்ளது.

இந்த நிலையில் இந்த படம் குறித்து ஏ.ஆர்.ரஹ்மான் தனது சமூக வலைத்தள பக்கத்தில் ஒரு கருத்தை பதிவு செய்துள்ளார். அதில் 'பீட்டரிடம் உலகை உலுக்கும் கேள்வி ஒன்றைக் கேட்கிறாள் சாரா. அந்தக் கேள்விக்கான விடையை பீட்டர் தேடும் பயணம் தான் சர்வம் தாளமயம்' என்று பதிவு செய்துள்ளார். இந்த படத்தில் ஜிவி பிரகாஷ் 'பீட்டர்' என்ற கேரக்டரில் நடித்துள்ளார் என்பது குறிப்பிடத்தக்கது.

பொதுவாக ஏ.ஆர்.ரஹ்மான் ஆங்கிலத்தில் மட்டுமே டுவீட்டுகளை பதிவு செய்து வரும் நிலையில் இந்த டுவீட்டை மட்டும் அவர் தமிழில் பதிவு செய்துள்ளார் என்பதும் இதற்காக அவருக்கு பாராட்டுக்கள் குவிந்து வருகிறது என்பதும் குறிப்பிடத்தக்கது.

பீட்டரின் உலகை உலுக்கும் கேள்வி ஒன்றைக் கேட்கிறாள் சாரா.
அந்தக் கேள்விக்கான விடையை பீட்டர் தேடும் பயணம் - சர்வம் தாளமயம்.
பிப்ரவரி 2019 முதல்.@mindscreencine @gvprakash

— A.R.Rahman (@arrahman) December 27, 2018