சமீபத்தில் நடைபெற்று முடிந்த தேர்தலில் திமுக அமோக வெற்றி பெற்று ஆட்சி அமைக்கப் போகிறது என்பதும் அக்கட்சியின் தலைவர் ஸ்டாலின் அவர்கள் இன்னும் ஒரு சில நாட்களில் முதல்வராக பதவி ஏற்க உள்ளார் என்பதும் தெரிந்ததே

முதல் முறையாக முதல்வர் பதவி ஏற்க இருக்கும் ஸ்டாலினுக்கு திரையுலக பிரபலங்கள் பலர் வாழ்த்துக்களை தெரிவித்த நிலையில் இசைப்புயல் ஏஆர் ரஹ்மான் அவர்கள் தனது டுவிட்டரில் வாழ்த்து தெரிவித்து இருந்தார். அவர் அந்த வாழ்த்தில் கூறியிருந்ததாவது: சமூக நீதி, கல்வி, சுகாதாரம் ஆகியவற்றில் தமிழ்நாடு வரலாறு காணாத வளர்ச்சியடைய, இந்தியாவின் ஒருமைப்பாட்டிற்கு ஓர் எடுத்துக்காட்டாய்த் திகழ, தி.மு.க கூட்டணிக்கு என் மனமார்ந்த வாழ்த்துகள்’ என்று தெரிவித்திருந்தார்

ஏ.ஆர்.ரஹ்மான் அவர்களின் வாழ்த்துக்கு பதில் அளித்த முக ஸ்டாலின், ‘இசைப்புயல் - ஆஸ்கர் விருதாளரான தங்களின் வாழ்த்துகளுக்கு நெஞ்சார்ந்த நன்றி. தமிழக மக்கள் சார்பில் தாங்கள் வைத்துள்ள நம்பிக்கையை நிறைவேற்றிடும் வகையில் புதிய அரசு செயல்படும்.

முக ஸ்டாலினின் இந்த டுவிட்டிற்கு பதில் அளித்துள்ள ஏ.ஆர்.ரஹ்மான், ‘கோவிட் பெருந்தொற்றால் அல்லல்படும் தமிழர்களுக்கு இது, தேன் போல இனித்திடும் வாக்குறுதி. இந்த வாக்குறுதி பலித்திட எல்லாம் வல்ல இறைவனை வேண்டுகிறேன்! என்று கூறியுள்ளார்.

கோவிட் பெருந்தொற்றால் அல்லல்படும் தமிழர்களுக்கு இது, தேன் போல இனித்திடும் வாக்குறுதி. இந்த வாக்குறுதி பலித்திட எல்லாம் வல்ல இறைவனை வேண்டுகிறேன்! https://t.co/S6WbFFSJYn

— A.R.Rahman #99Songs ?? (@arrahman) May 4, 2021