రీ రికార్డింగ్ షురూ చేసిన రెహమాన్..
- IndiaGlitz, [Monday,October 08 2018]
స్టార్ డైరెక్ట‌ర్ శంక‌ర్ ద‌ర్శ‌క‌త్వంలో సూప‌ర్‌స్టార్ ర‌జ‌నీకాంత్‌, బాలీవుడ్ సూప‌ర్‌స్టార్ అక్ష‌య్‌కుమార్‌, ఎమీజాక్స‌న్ కాంబినేష‌న్‌లో రూపొందుతోన్న విజువ‌ల్ వండ‌ర్ '2.0'. లైకా ప్రొడ‌క్ష‌న్స్ బ్యాన‌ర్‌పై క‌ర‌ణ్ జోహార్ అసోసియేష‌న్‌తో ఈ సినిమా విడుద‌ల‌కు సిద్ధ‌మ‌వుతుంది.
ప్ర‌స్తుతం సినిమా పోస్ట్ ప్రొడ‌క్ష‌న్ కార్య‌క్ర‌మాల‌ను శ‌ర‌వేగంగా పూర్తి చేసుకుంటుంది. ఇండియాలోనే హాయ్య‌స్ట్ బ‌డ్జెట్ మూవీ .. అంతే కాకుండా ఏషియాలోనే రెండో భారీ బ‌డ్జెట్ చిత్రంగా తెర‌కెక్కుతోంది. అలాగే త్రీడీ కెమెరాస్‌లో చిత్రీక‌రించిన తొలి ఇండియ‌న్ చిత్రం కూడా ఇదే.
ఈ సినిమాకు సంబంధించిన రీ రికార్డింగ్ ప‌నుల‌ను ఎ.ఆర్‌.రెహమాన్ లండ‌న్‌లో స్టార్ట్ చేశార‌ట. ఈ చిత్రాన్ని నవంబ‌ర్ 29న ప్ర‌పంచ వ్యాప్తంగా భారీ రేంజ్‌లో త్రీడీ, టూడీ వెర్ష‌న్స్‌లో విడుద‌ల చేయ‌డానికి స‌న్నాహాలు చేస్తున్నారు.