கொஞ்சம் சீக்கிரம் ரிலீஸ் பண்ணுங்க தலைவரே: ஏ.ஆர்.ரஹ்மானுக்கு ரசிகரின் கோரிக்கை
- IndiaGlitz, [Monday,May 04 2020]
இசைப்புயல் ஏஆர் ரஹ்மான் அவர்கள் முதல் முறையாக தயாரிக்கும் திரைப்படம் ’99 சாங்ஸ்’ என்பதும் இந்த படத்தின் படப்பிடிப்பு முடிவடைந்து போஸ்ட் புரொடக்ஷன் பணிகள் நடந்து வந்தன என்பதும் தெரிந்ததே. இந்த படத்தின் முதல் பாடல் கடந்த பிப்ரவரி மாதம் 14ஆம் தேதி காதலர் தினத்தில் வெளியாகி மிகப்பெரிய வரவேற்பை பெற்றது என்பது தெரிந்ததே. இந்த படத்தில் மொத்தம் 14 பாடல்கள் உள்ளன என்பதும் தமிழில் மதன் கார்க்கி மற்றும் தாமரை ஒரு சில பாடல்கள் எழுதியுள்ளனர் என்பதும் செய்திகள் வெளியானது
இந்த நிலையில் சமீபத்தில் இணையதளத்தில் இந்த படத்தில் இடம்பெற்ற ’தேரி நாசார்’ என்ற ஹிந்தி பாடல் வெளியானது. இந்த பாடல் உலகம் முழுவதும் மிகப்பெரிய வரவேற்பை பெற்றது என்பதும் 7 மில்லியனுக்கும் அதிகமான பார்வையாளர்களை பெற்றுள்ளது என்பதும் குறிப்பிடத்தக்கவை. இந்த நிலையில் இந்த பாடலின் தமிழ் வெர்சன் மிக விரைவில் வெளியாகும் என்று எதிர்பார்க்கப்பட்டது
இதுகுறித்து டுவிட்டர் பயணி ஒருவர் கேள்வி எழுப்புவதில் ’தேரி நாசார்’ என்ற பாடலை தமிழில் வெளிவர காத்திருக்கின்றேன். இந்த பாடலுக்கு நான் அடிமை. கொஞ்சம் சீக்கிரம் ரிலீஸ் பண்ண நல்லா இருக்கும் தலைவரே’ என்று கூறியிருந்தார்
இதற்கு பதிலளித்துள்ள இசைப்புயல் ஏஆர் ரஹ்மான் ’இந்த பாடலின் தமிழ் வெர்சனை பாடலாசிரியர் கபிலன் எழுதியுள்ளார் என்றும் இந்த பாடல் மிகச்சிறப்பாக உருவாகியுள்ளது என்றும் இந்தி வெர்ஷனில் இருந்து மிகவும் வித்தியாசமாக இந்த பாடல் உருவாகி இருப்பதற்கு கபிலன் அவர்களே காரணம்’ என்றும் கூறியுள்ளார். ஏ.ஆர்.ரஹ்மானின் இந்த தகவலால் இந்த பாடலுக்கான எதிர்பார்ப்பு எகிறியுள்ளது. மிக விரைவில் வெளியாகவிருக்கும் இந்த பாடலுக்காக அவரது கோடிக்கணக்கான ரசிகர்கள் காத்திருக்கின்றனர் என்பது குறிப்பிடத்தக்கது
Lyricist Kapilan has written that song really well?? very different from the Hindi version! https://t.co/rbCuKfD8F0
— A.R.Rahman (@arrahman) May 3, 2020