எஸ்.எஸ்.ராஜமெளலியின் 'பாகுபலி மற்றும் 'பாகுபலி 2' படங்களின் வெற்றிக்கு காரணமானவர்களில் ஒருவர் இசையமைப்பாளர் எம்.எம்.கீரவானி என்பது மறுக்க முடியாத உண்மை. தமிழ் திரையுலகில் மரகதமணி என்று அழைக்கப்படும் இவர் தற்போது ஆஸ்கார் நாயகன் ஏ.ஆர்.ரஹ்மான் இசையில் ஒரு பாடலை பாடியுள்ளார். இந்த தகவலை எம்.எம்.கீரவானி தனது சமூக வலைத்தளத்தில் உறுதி செய்துள்ளார்.

இந்த பாடல் ஏ.ஆர்.ரஹ்மானின் மிகச்சிறந்த மெலடி பாடல்களில் ஒன்று என்று எம்.எம்.கீரவானி கூறியிருந்தாலும் இந்த பாடல் எந்த படத்தில் இடம்பெறுகிறது என்ற ரகசியத்தை அவர் வெளியிடவில்லை

ஏ.ஆர்.ரஹ்மான் தற்போது பல திரைப்படங்களுக்கு இசையமைத்து வருகிறார். இருப்பினும் இந்த பாடல் ஏ.ஆர்.ரஹ்மான் கதை எழுதி இசையமைக்கும் '99 சாங்ஸ்',  சிரஞ்சீவியின் 'செயரா நரசிம்ம ரெட்டி' ஆகிய இரண்டு படங்களில் ஏதாவது ஒரு படத்தில் இந்த பாடல் இடம்பெற வாய்ப்பு இருப்பதாக கூறப்படுகிறது.