రెహ్మాన్ 'వన్ హార్ట్'
- IndiaGlitz, [Tuesday,August 01 2017]
ఇండియ‌న్ మ్యూజిక్‌కు వ‌న్నె తెచ్చిన సంగీత ద‌ర్శ‌కుల్లో ఎ.ఆర్.రెహ్మాన్‌కు ప్ర‌త్యేక స్థానం ఉంటుంది. ఆస్కార్ అవార్డ్ విన్న‌ర్‌గా రికార్డ్ క్రియేట్ చేసిన సంగీత ద‌ర్శ‌కుడాయ‌న. ఆయ‌న మ్యూజిక్ అంటే సంగీత ప్రియుల‌కు అంత ఇష్టంగా ఉంటుంది. రెహ్మాన్ సినిమాలే కాకుండా క‌చేరీలు కూడా చేస్తుంటారు. ఇప్ప‌టి వ‌ర‌కు రెహ్మాన్ 16 సంగీత కచేరీల‌ను నిర్వ‌హించారు.
ఈ క‌చేరీల‌న్నింటినీ క‌లిపి వన్ హార్ట్ పేరుతో ఓ చిత్రంగా రూపొందించారు. రెహ్మాన్ సంగీతాన్ని ఎలా కంపోజ్ చేస్తారు? ప‌లు అంశాలు ఈ చిత్రంలో ఉంటాయి. ఈ సినిమా ప్రీమియ‌ర్ షోను ఇటీవ‌ల కెన‌డాలో ప్ర‌దర్శిస్తే చాలా మంచి ఆద‌ర‌ణ ల‌భించిన‌ట్టు రెహ్మాన్ అండ్ యూనిట్ తెలిపింది. ఓ ర‌కంగా ఇది రెహ్మాన్ ప్రొఫ‌ష‌న‌ల్ బ‌యోగ్ర‌ఫీగా భావించ‌వ‌చ్చు. ఈ సినిమాను డాల్బీ సంస్థ త‌మిళం, హిందీ, ఆంగ్ల భాష‌ల్లో ఆగస్ట్ 25న విడుద‌ల చేయ‌డానికి స‌న్నాహాలు చేస్తుంది.