மீசையுடன் புது தோற்றம்: ஏ.ஆர்.ரஹ்மானின் வைரல் புகைப்படம்
- IndiaGlitz, [Sunday,September 05 2021]
இசைப்புயல் ஏஆர் ரஹ்மான் அவர்கள் மணிரத்தினம் இயக்கிய ’ரோஜா’ திரைப்படத்தில் அறிமுகமானது முதல் தற்போது வரை அவரை மீசை இல்லாமல் தான் அனைவரும் பார்த்திருக்கிறோம். ஆனால் திடீரென மீசையுடன் அவர் ஒரு புகைப்படத்தை தனது இன்ஸ்டாகிராமில் பதிவு செய்துள்ள நிலையில் இந்த புகைப்படம் தற்போது வைரலாகி வருகிறது
இந்திய அளவில் மட்டுமின்றி உலக அளவில் இசையுலகில் பிரபலமானவர் ஏஆர் ரஹ்மான் என்பதும் இந்தியாவுக்காக அவர் இரண்டு ஆஸ்கார் விருதுகளை பெற்றவர் என்பதும் தெரிந்ததே. இந்த நிலையில் ஏஆர் ரஹ்மான் தனது இன்ஸ்டாகிராம் பக்கத்தில் சற்று முன் மீசையுடன் கூடிய புகைப்படம் ஒன்றை பதிவு செய்துள்ளார். அதில் அவர் ஜூம் நேரடி நிகழ்ச்சி ஒன்றில் தான் கலந்து கொண்டு இருப்பதாகவும் மீசையுடன் இருக்கும் தனது புகைப்படத்தில் தனது தோற்றம் எப்படி இருக்கிறது? என்றும் கேள்வி எழுப்பியுள்ளார்
இதனையடுத்து ரசிகர்கள் அவருக்கு வாழ்த்துக்களை தெரிவித்து வருகின்றனர் என்பதும் ஏராளமானோர் அவரது புதிய லுக்கிற்கு பாராட்டு தெரிவித்து வருகின்றனர் குறிப்பிடத்தக்கது. மீசையுடன் உங்களை காணும் போது நீங்கள் மிகவும் இளமையாக காட்சி அளிக்கின்றீர்கள் தலைவா என்பது போன்ற கமெண்ட்கள் பதிவாகி வருகிறது. இந்த புகைப்படம் பதிவு செய்து இரண்டு மணி நேரமே ஆகியுள்ள நிலையில் சுமார் 4 லட்சம் லைக்ஸ் கிடைத்துள்ளது என்பது குறிப்பிடத்தக்கது
இந்த நிலையில் இசைப்புயல் ஏஆர் ரஹ்மான் அவர்கள் தற்போது மணிரத்னம் இயக்கிவரும் ’பொன்னியின் செல்வன்’ அட்லீ இயக்கி வரும் ’ஜவான்’ உள்பட ஒரு சில திரைப்படங்களுக்கு இசையமைத்து வருகிறார் என்பது குறிப்பிடத்தக்கது.