17 வருடத்திற்கு பின்னர் மீண்டும் இணையும் ரகுமான் - ரஹ்மான்
Tuesday, August 9, 2016 • தமிழ்
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com
Send us your feedback to audioarticles@vaarta.com
புதுப்புது அர்த்தங்கள், சங்கமம், உள்பட பல திரைப்படங்களில் நடித்த நடிகர் ரகுமானும், ஆஸ்கார் நாயகன் ஏ.ஆர்.ரஹ்மானும் நெருங்கிய உறவினர்கள் என்பது அனைவரும் அறிந்ததே. கடந்த 1999ஆம் ஆண்டு ரகுமான் நடித்த 'சங்கமம்' படத்திற்கு ஏ.ஆர்.ரஹ்மான் இசையமைத்தார். இந்நிலையில் 17 ஆண்டுகளுக்கு பின்னர் மீண்டும் இருவரும் இணைந்துள்ளனர்.
கடந்த சில தினங்களுக்கு முன்னர் ரகுமான் 'துருவங்கள் 16' என்ற படத்தில் நடித்து வருகிறார் என்பதை பார்த்தோம். இந்த படத்தின் டிரைலர் வரும் 15ஆம் தேதி அதாவது சுதந்திர தினத்தில் வெளியாகவுள்ளது. இந்த டிரைலரை ஒரு பிரபலம்தான் வெளியிடுவார் என்று இன்று காலையில் இருந்தே செய்திகள் வெளிவந்து கொண்டிருந்த நிலையில் தற்போது ஏ.ஆர்.ரஹ்மான் தான் அந்த டிரைலரை வெளியிடுகிறார் என்ற அதிகாரபூர்வ தகவல் கிடைத்துள்ளது.
கார்த்திக் நரேன் என்ற 21 வயது இளைஞர் தயாரித்து இயக்கும் இந்த படத்தில் மொத்தம் 16 கேரக்டர்கள் அமைந்துள்ளதால் இந்த படத்திற்கு 'துருவங்கள் 16' என்ற டைட்டில் வைக்கப்பட்டுள்ளது. அதுமட்டுமின்றி இந்த படத்தின் கதை 16 மணி நேரத்தில் நடைபெறும் திகில் சம்பவங்களை அடிப்படையாக கொண்டு அமைந்துள்ளது. ரகுமான் இந்த படத்தில் காவல்துறை அதிகாரியாக நடிக்கின்றார் என்பது குறிப்பிடத்தக்கது.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Follow
More News
Headlines
Comments