விக்ரமின் அடுத்த படத்திற்கு இசையமைக்கும் ஆஸ்கார் நாயகன்!
- IndiaGlitz, [Saturday,July 13 2019]
விக்ரம் நடித்த 'கடாரம் கொண்டான்' திரைப்படம் வரும் 19ஆம் தேதி உலகம் முழுவதும் வெளியாகவுள்ள நிலையில் அவர் நடிக்கவுள்ள அடுத்த படத்தை '96' திரைப்படத்தை விநியோகம் செய்த 7 ஸ்க்ரீன் ஸ்டுடியோஸ் நிறுவனமும், வைகாம் 18' நிறுவனமும் இணைந்து தயாரிக்கவுள்ளன என்று வெளியான செய்தியை ஏற்கனவே பார்த்தோம்
'டிமாண்டி காலனி', 'இமைக்கா நொடிகள்' இயக்குனர் அஜய்ஞானமுத்து இயக்கவுள்ள இந்த படத்தின் ஆரம்பகட்ட பணிகள் தொடங்கிவிட்ட நிலையில் தற்போது இந்த படத்திற்கு ஆஸ்கார் நாயகன் ஏ.ஆர்.ரஹ்மான் இசையமைக்கவிருப்பதாக அறிவிக்கப்பட்டுள்ளது. இந்த தகவலை இயக்குனர் அஜய்ஞானமுத்து தனது சமூக வலைத்தள பக்கத்தில் உறுதி செய்துள்ளார்.
விக்ரம் நடித்த 'புதிய மன்னர்கள்', 'ராவணன்' மற்றும் 'ஐ' ஆகிய படங்களுக்கு ஏ.ஆர்.ரஹ்மான் இசையமைத்த நிலையில் தற்போது மீண்டும் அவரது படத்திற்கு ஏ.ஆர்.ரஹ்மான் இசையமைக்கவுள்ளார் என்பது குறிப்பிடத்தக்கது