அட்லி-ஷாருக்கான் படத்திற்கு இவர் தான் இசையமைப்பாளரா? மாஸ் பாடல்கள் நிச்சயம்!
- IndiaGlitz, [Thursday,June 17 2021]
தளபதி விஜய் நடித்த தெறி, மெர்சல், பிகில் ஆகிய மூன்று சூப்பர் ஹிட் படங்களை இயக்கிய இயக்குனர் அட்லி, அடுத்ததாக ஷாருக்கான் நடிக்கும் படத்தை இயக்க உள்ளதாகவும் இந்த படத்திற்கான ஆரம்பகட்ட பணிகளை அவர் தொடங்கி உள்ளதாகவும் கூறப்படுகிறது. மேலும் இந்த ஆண்டு இறுதியில் இந்த படத்தின் படப்பிடிப்பு தொடங்கும் என்று எதிர்பார்க்கப்படுகிறது. அதுமட்டுமின்றி இந்த படத்தில் ஷாருக்கான் இரட்டை வேடங்களில் நடிக்க இருப்பதாகவும் தகவல்கள் வெளிவந்து கொண்டிருக்கின்றன.
இந்த நிலையில் தற்போது வந்துள்ள புதிய தகவலின்படி அட்லீ-ஷாருக்கான் இணையும் படத்திற்கு இசைப்புயல் ஏஆர் ரகுமான் அவர்கள் இசையமைக்க உள்ளதாக கூறப்படுகிறது. இது குறித்த அதிகாரப்பூர்வ தகவல் விரைவில் வெளிவரும் என்று எதிர்பார்க்கப்படுகிறது.
ஏற்கனவே அட்லி இயக்கிய முந்தைய படங்களான மெர்சல் மற்றும் பிகில் ஆகிய இரண்டு படங்களிலும் ஏஆர் ரகுமான் தான் இசையமைத்து இருந்தார் என்பதும் இரண்டு படங்களிலும் பாடல்கள் அனைத்தும் சூப்பர் ஹிட் ஆகின என்பதும் தெரிந்ததே. அதேபோல் அட்லீ-ஷாருக்கான் படத்திலும் ஏஆர் ரகுமான் இசை என்பது உறுதி செய்யப்பட்டால் மாஸ் பாடல்கள் உறுதியாக இருக்கும் என்றும் எதிர்பார்க்கப்படுகிறது.