தளபதி விஜய் நடித்த ’கோட்’ திரைப்படத்தில் ‘மட்ட’ என்ற பாடலில், விஜய் மற்றும் த்ரிஷா அட்டகாசமாக நடனமாடி இருப்பார்கள் என்பதும், இந்த பாடல் மிகப்பெரிய வரவேற்பை பெற்றது என்பது தெரிந்தே. இந்த நிலையில், த்ரிஷாவின் அடுத்த படத்திற்காக ஏ.ஆர்.ரகுமான் ஒரு குத்துப் பாடல் கம்போஸ் செய்திருப்பதாகவும், அந்த பாடலின் நடன காட்சிகள் சமீபத்தில் படமாக்கப்பட்டதாகவும் கூறப்படுகிறது.

உலகநாயகன் கமல்ஹாசன் நடிப்பில், மணிரத்னம் இயக்கத்தில் உருவாகி வரும் ’தக்லைஃப்’ திரைப்படத்தின் படப்பிடிப்பு விறுவிறுப்பாக நடைபெற்று வருகிறது. இந்த மாதத்துடன் கமல்ஹாசன் சம்பந்தப்பட்ட அனைத்து காட்சிகளும் படமாக்கி முடிக்க மணிரத்னம் திட்டமிட்டுள்ளதாக கூறப்படுகிறது. அடுத்த மாதம் கமல்ஹாசன் ஏஐ டெக்னாலஜி படிப்பதற்கு வெளிநாடு செல்வதால், அவருடைய காட்சிகள் விறுவிறுப்பாக படமாக்கப்பட்டு வருகின்றன.

இந்த நிலையில், கமல் மற்றும் சிம்பு இணைந்து நடித்த ஒரு ஆக்‌ஷன் காட்சி சமீபத்தில் பிரசாத் ஸ்டூடியோவில் படமாக்கப்பட்டதாகவும், அந்த சண்டைக் காட்சி அட்டகாசமாக உருவாகி உள்ளதாகவும் கூறப்படுகிறது. இதனைத் தொடர்ந்து, அட்டகாசமான ஒரு பார்ட்டி பாடல் படமாக்கப்பட்டதாகவும், அதற்காக ஏ.ஆர். ரகுமான் ஒரு அசத்தலான குத்து பாடலை கம்போஸ் செய்துள்ளார் என்றும் தெரிகிறது. இந்த பாடலில் த்ரிஷா நடனம் ஆடுவதாகவும், அதற்கான காட்சிகள் படமாக்கப்பட்டு உள்ளதாகவும் தெரிகிறது.

இதனைத் தொடர்ந்து, அடுத்த மாதம் ’தக்லைஃப்’ படக்குழு கோவாவுக்கு செல்வதாகவும், அங்கு சிம்பு, த்ரிஷா சம்பந்தப்பட்ட காட்சிகள் படமாக்க திட்டமிடப்பட்டு உள்ளதாகவும் கூறப்படுகிறது. மொத்தத்தில், ’தக்லைஃப்’ குறித்து வெளியாகும் செய்திகள் இந்த படத்தின் எதிர்பார்ப்பை அதிகரிக்க செய்துள்ளன என்பது குறிப்பிடத்தக்கது.