சூர்யா நடிப்பில் விக்ரம் குமார் இயக்கத்தில் ஏ.ஆர்.ரஹ்மான் இசையில் உருவாகியுள்ள '24' படத்தின் பாடல்கள் வரும் 11ஆம் தேதி சென்னை மற்றும் ஐதராபாத்தில் தமிழ், தெலுங்கு என இருமொழிகளிலும் வெளியாகும் என்ற தகவலை ஏற்கனவே பார்த்தோம். இந்நிலையில் இந்த படத்தின் டிராக்லிஸ்ட் தற்போது வெளிவந்துள்ளது.

இந்த படத்திற்காக ஏ.ஆர்.ரஹ்மான் 6 பாடல்களை கம்போஸ் செய்துள்ளார். அவற்றை தற்போது பார்ப்போம்.

1. நான் உன்' என்று தொடங்கும் முதல் பாடலை அரிஜித் சிங் மற்றும் சின்மயா பாடியுள்ளனர். இந்த பாடலை மதன் கார்க்கி எழுதியுள்ளார்.

2. மெய் நிகர' என்ற 2வது பாடலை சித் ஸ்ரீராம், சனாமொய்டுட்டி, ஜொனிதா காந்தி ஆகியோர் பாடியுள்ளனர். இந்த பாடலையும் மதன்கார்க்கி எழுதியுள்ளார்.

3. புன்னகையே' என்று தொடங்கும் பாடலை கவிப்பேரரசு வைரமுத்து எழுத அதை ஹரிச்சரண், ஷாஷா திரிபாதி ஆகியோர் பாடியுள்ளனர்.

4. ஆராரோ' என்று தொடங்கும் பாடலை சக்திஸ்ரீ கோபாலன் பாடியுள்ளார். இந்த பாடலை மதன்கார்க்கி எழுதியுள்ளார்.

5. மை டுவின் பிரதர்' என்று தொடங்கும் பாடலை ஸ்ரீனிவாஸ் கிருஷ்ணன், ஹிரிடே கட்டானி ஆகியோர் பாடியுள்ளனர்.

6. ஏற்கனவே கடந்த சில நாட்களுக்கு முன்னர் வெளியாகி சூப்பர் ஹிட் ஆன 'காலம் என் காதலி' என்று தொடங்கும் பாடலை வைரமுத்து எழுதியுள்ளார். பென்னி தயால், ஷஷவந்த் சிங் மற்றும் அபெய் ஜொத்புர்கர் பாடியுள்ளனர்.