ஏ.ஆர்.முருகதாஸ்-மகேஷ்பாபு படத்தின் டைட்டில் என்ன?
- IndiaGlitz, [Saturday,December 03 2016]
பிரபல இயக்குனர் ஏ.ஆர்.முருகதாஸ் மற்றும் தெலுங்கு சூப்பர் ஸ்டார் முதன்முதலில் இணைந்த படத்தின் படப்பிடிப்பு விறுவிறுப்பாக நடைபெற்று வருகிறது. தற்போது இந்த படத்தின் படப்பிடிப்பு அகமதாபாத்தில் நடைபெற்று வரும் நிலையில் இந்த படத்தின் டைட்டில் குறித்த தகவல் தற்போது வெளிவந்துள்ளது.
இந்த படத்தின் டைட்டில் தமிழ், மற்றும் தெலுங்கு ஆகிய இருமொழிகளுக்கும் பொருந்தும் வகையில் பொதுவான டைட்டிலை படக்குழுவினர் பரிசீலனை செய்து வருகின்றனர் என்பதை ஏற்கனவே பார்த்தோம். இந்த பரிசீலனையில் 'ஏஜெண்ட் சிவா' என்ற டைட்டிலை தேர்வு செய்ய அதிக வாய்ப்பு இருப்பதாக படக்குழுவினர்களிடம் இருந்து தகவல்கள் வெளிவந்துள்ளது.
முதன்முதலாக மகேஷ்பாபு இண்டலிஜெண்ட் அதிகாரியாக நடித்து வரும் இந்த படத்தில் ராகுல் ப்ரித்திசிங் நாயகியாக நடித்து வருகிறார். எஸ்.ஜே.சூர்யா வில்லனாக நடித்து வரும் இந்த படத்திற்கு ஹாரீஸ் ஜெயராஜ் இசையமைக்கின்றார். இந்த படம் அடுத்த ஆண்டு கோடை விடுமுறையில் திரைக்கு வரலாம் என எதிர்பார்க்கப்படுகிறது.