మురుగదాస్.. ఓ టాలీవుడ్ సెంటిమెంట్
- IndiaGlitz, [Thursday,August 03 2017]
ఇంట గెలిచి ర‌చ్చ గెలిచిన దర్శకులలో ఎ.ఆర్‌.మురుగదాస్ ఒకరు. త‌మిళ చిత్రాల‌తో కెరీర్‌ని మొద‌లుపెట్టి.. తెలుగు, హిందీ చిత్ర ప‌రిశ్ర‌మ‌ల‌లోనూ త‌న‌కంటూ ఓ గుర్తింపు తెచ్చుకున్నాడీ స్టార్ డైరెక్ట‌ర్‌. 'గ‌జిని' చిత్రంతో ఈ మూడు భాష‌ల్లోనూ త‌న‌దైన ముద్ర వేసిన మురుగదాస్.. ప‌ద‌కొండేళ్ల గ్యాప్‌తో రూపొందించిన తెలుగు చిత్రం 'స్పైడర్'.
గ‌తంలో చిరంజీవి హీరోగా 'స్టాలిన్' చిత్రాన్ని రూపొందించిన మురుగదాస్.. మ‌ళ్లీ స్టార్ హీరో (మ‌హేష్‌బాబు) సినిమాతోనే టాలీవుడ్‌లో సంద‌డి చేయ‌బోతుండ‌డం గ‌మ‌నార్హం. విశేష‌మేమిటంటే.. త‌న పుట్టిన రోజు (సెప్టెంబ‌ర్ 25)కి ఐదు రోజులు ముందుగా స్టాలిన్ రిలీజైతే.. మ‌ళ్లీ అదే సంద‌ర్భాన్ని పుర‌స్క‌రించుకుని అదే నెల‌లో త‌న రెండో తెలుగు చిత్రం స్పైడర్ రిలీజ్ కానుండ‌డం. స్టాలిన్ చిత్రం యావ‌రేజ్‌గా నడిచింది. స్పైడర్ కూడా అదే బాట‌లో వెళుతుందో లేక మురుగదాస్ బ‌ర్త్‌డేకి మంచి గిఫ్ట్ లాంటి సినిమాగా బ్లాక్‌బ‌స్ట‌ర్ అవుతుందో చూడాలి. సెప్టెంబ‌ర్ 27న స్పైడర్ విడుద‌ల కానున్న సంగ‌తి తెలిసిందే.