அருள்நிதி நடித்த 'மெளன குரு' படத்தின் இந்தி ரீமேக் படமான 'அகிரா' படத்தின் வசனக்காட்சிகளின் படப்பிடிப்புகளை ஏ.ஆர்.முருகதாஸ் முடித்துவிட்டதாகவும், இன்னும் ஒரே ஒரு பாடல் காட்சி மட்டுமே பாக்கி இருப்பதாகவும் செய்திகள் வந்துள்ளது. இந்நிலையில் முருகதாஸ் இயக்கவுள்ள அடுத்த படம் குறித்த தகவல்கள் தற்போது வெளிவந்துள்ளது.

தெலுங்கு சூப்பர் ஸ்டார் மகேஷ்பாபு நடிக்கவுள்ள படத்தை ஏ.ஆர்.முருகதாஸ் இயக்கவுள்ளதாகவும் இந்த படம் தமிழ், தெலுங்கு என இருமொழிகளில் உருவாகவிருப்பதாகவும் கூறப்படுகிறது. மகேஷ்பாபுவின் படத்தை முடித்த பின்னர் ஏ.ஆர்.முருகதாஸ், பாலிவுட் சூப்பர் ஸ்டார் சல்மான்கான் படம் ஒன்றை இயக்கவுள்ளதாகவும், சமீபத்தில் முருகதாஸ் கூறிய கதை ஒன்றை சல்மான்கான் ஒகே செய்துவிட்டதாகவும், இந்த படத்திற்காக தேதிகளை விரைவில் அவர் ஒதுக்கவுள்ளதாகவும் கூறப்படுகிறது.

இளையதளபதி விஜய்யின் அடுத்த படத்தை ஏ.ஆர்.முருகதாஸ் இயக்குவார் என அவரது ரசிகர்கள் ஆவலுடன் எதிர்பார்த்துக்கொண்டிருந்த நிலையில், தெலுங்கு சூப்பர் ஸ்டார் மகேஷ்பாபு, பாலிவுட் சூப்பர் ஸ்டார் சல்மான்கான் ஆகியோர்களின் படங்களை அடுத்தடுத்து ஏ.ஆர்.முருகதாஸ் இயக்கவுள்ளதாக செய்திகள் வெளிவந்துள்ளது என்பது குறிப்பிடத்தக்கது.